December 10, 2013

ఆమ్ ఆద్మీ పార్టీ నుంచి లోక్ సత్తా ఏమి నేర్చుకోవాలి?





డాక్టర్ జేపీ ఏదైనా ఒక అంశం మీద మాట్లాడుతుంటే "అబ్బ, ఇలాటి వ్యక్తి ఒకరు రాజకీయాల్లో ఉంటే, రాజకీయాలన్నీ శుభ్రం అయిపోతాయి"అనిపిస్తుంది. ఒక్కో అంశాన్నీ ఆయన నైతిక విలువల ఆధారంగా వివరిస్తుంటే గొప్ప ఉత్తేజం రక్తంలో పరుగులు తీస్తుంది.ఆయన చెప్పేవన్నీ కలిపి  "ఎందుకు సాధ్యం కావు జాగ్రత్తగా అమలు పరిస్తే?" అన్న ప్రశ్న పాజిటివ్ గా మనసులో ఉదయిస్తుంది.

గణాంకాలన్నీ మెదడులో సిద్ధంగా ఉంచుని అనర్గళంగా ,జాగ్రత్తగా వివరిస్తుంటే "ఇన్ని  సమస్యలున్నాయా? ఇంత జాగ్రత్తగా వీటిని పరిష్కరించుకోవచ్చా?" అని ఆశ్చర్యం వేస్తుంది.

అయితే ప్రసంగం ముగిసి ఇవతలికి వచ్చాక అవేవీ ఆచరణ సాధ్యంగా కనిపించవు. చుట్టూ ఉన్న రొచ్చు గుంట రాజకీయాలను పరిశీలిస్తే "ప్చ్, ఇవేవీ జరగవు"అనిపించడం ఖాయం!

పదిహేడేళ్ళుగా ఒక సామాజిక సంస్థగా లోక్ సత్తా వ్యవస్థలో మౌలిక మార్పుల కోసం చేసిన కృషి తక్కువేమీ కాదు,. ఎన్నికల సంస్కరణలైతేనేమి, సమాచార హక్కు చట్టం కోసమైతేనేమి, నేర చరితుల జాబితాతో ప్రజలను జాగృతం చేయడంలోనైతేనేమి .. ప్రజల్లో ఒక ఇంజే ని  సంస్థగా ఏర్పరచుకుంది.అవినీతి మీద పోరాటానికి విశ్వ ప్రయత్నమే చేస్తోంది.

2006 లో లోక్ సత్తా పార్టీ అవతరించింది. ఒక సామాజిక సంస్థ గా కాక, ఒక రాజకీయ పార్టీగా లోక్ సత్తా సాధించిన స్పష్టమైన విజయాలేమిటి? అనే ప్రశ్నకు మాత్రం  జవాబు అస్పష్టమే!

దాదాపుగా లోక్ సత్తా ఆశయాలతోనే అవినీతి మీద ఎక్కుపెట్టిన బాణమై, సమాచార హక్కు చట్టం మీద పని చేసిన అనుభవంతో దూసుకొచ్చిన ఆమ్ ఆద్మీ పార్టీ ఇవాళ ఢిల్లీలో కాంగ్రెస్ ని కూకటి వేళ్ళతో పెకలించి శృంగ భంగం చేసి చీపురు తో వూడ్చి ఎత్తి చెత్తలో పడేసింది. ఈ విప్లవాత్మక మార్పు గట్టిగా ఏడాదిలో జరిగి పోయింది. బలంగా వేళ్ళూనుకున్న కాంగ్రెస్ లాంటి పార్టీ కి ఈ దశ పట్టించడం కేజ్రీవాల్ కి  ఎలా సాధ్యమైంది? అతనూ ఒక సామాజిక కార్య కర్త గా తన రాజకీయ ప్రస్థానం  మొదలు పెట్టిన వాడే!

లోక్ సత్తాకీ ఆమ్ ఆద్మీ పార్టీకీ ఎక్కడ తేడాలున్నాయి?

ఒక సామాజిక సంస్థకీ, రాజకీయ పార్టీకి మధ్య ఎక్కడ గీత గీయాలో అది ఆమ్ ఆద్మీ పార్టీ స్పష్టంగా గుర్తించింది. లోక్ సత్తా రాజకీయ పార్టీగా ఆవిర్భవించినా సంస్కరణ వాసనలను వదలక పోరాడాల్సిన సమయంలో కూడా అందరినీ కలుపుకుపోదామన్నట్లు, ప్రతి సమస్యకీ అందరికీ ఆమోద యోగ్యమైన పరిష్కారాలను వెదుకుదామన్నట్లు మాట్లాడుతుంది. ఇద్దరు కొడుకులు, కోడళ్ళున్న ఒక మామూలు ఉమ్మడికుటుంబంలోనే సమస్య వస్తే, అందరికీ ఆమోద యోగ్యమైన పరిష్కారం దొరికే పరిస్థితుల్లేవు. ఎవరి ఇగో వారికి ముఖ్యం! అది నిజం కూడా!

అలాటపుడు కుటిల రాజకీయాలతో అవినీతి నాయకులతో నిండిపోయిన నిండిపోయిన ఆంధ్రప్రదేశ్ లాంటి రాష్ట్రంలో అందరికీ ఆమోద యోగ్యమైన పరిష్కారం లభిస్తుందా? రాజకీయ పార్టీలు అందరూ కూచుని ఒక బర్నింగ్ సమస్యను ఎన్ని రకాలుగా పరిష్కరించ వచ్చో ఆలోచించే పరిస్తితులు ఉనికిలో ఉన్నాయా? ఇప్పుడు కాదు, అసలు ఎప్పుడైనా ఉండగలవా ఈ రాష్ట్రంలో!

వార్తలు చూడాలంటే విరక్తి పుట్టే స్థాయిలో ఉన్నాయి పార్టీల ప్రవర్తనా, సవాళ్ళు ప్రతి సవాళ్ళూ!

నిన్న జేపీ ఒక ఛానెల్లో మాట్లాడుతూ "మేమొక్కళ్ళమే మంచోళ్ళం, మిగతా పార్టీలన్నీ దుర్మార్గమైనవి" అన్నట్లుగా ఆమ్ ఆద్మీ వ్యవహరిస్తోందని అది లోక్ సత్తా వైఖరి కాదనీ అంటున్నారు. ఒక సదుద్దేశంతో, ఒక సదాశయంతో పార్టీ మొదలైనపుడు, అది సక్రమంగా నడుస్తూ ఉన్నపుడు, పారదర్శకంగా పని చేస్తున్నపుడు "మేము స్వఛ్ఛంగా ఉన్నాం" అని చెప్పుకోడానికి వెనుక బాటెందుకు?


అలాగే వేరే పార్టీల దుర్మార్గాలూ,అవినీతీ ప్రజలే స్పష్టంగా గుర్తించి విసుగు చెంది ఉన్న సమయంలో కూడా వారి దుర్మార్గాలను ఖండించకుండా ఎలా ఉండాలి? ఎందుకుండాలి? రాష్ట్రమో దేశమో రావణ కాష్టమై తగలబడుతున్న అత్యవసర పరిస్థితిలో కూడా దాన్ని సమర్థ వంతంగా ఆర్పే ప్రయత్నమేదీ చేయక, అసలు మంట ఎప్పుడు పుట్టిందో తీరిగ్గా ఆలోచిస్తూ కూచుంటారా ఎవరైనా? అది తర్వాత దర్యాప్తులో కదా  తేలాలి.

వేటగాళ్ళంతా కలిసి పిట్టల మీద వల వేస్తుంటే , జాగృతమై ఉన్న వారు పిట్టల్ని కాపాడే  ప్రయత్నం చేయక .... అసలు వేటగాళ్ళ వంశం పుట్టు పూర్వోత్తరాలు,  వేటగాళ్ల వల్లో పడకుండా ఉండే మార్గాలు, వారిని ప్రక్షాళన చేసే మార్గాలు , ప్రవచిస్తూ,ఆ దిశగా పని చేస్తూ ఉంటే... సరి పోదు. అది చాలదు!

అందరినీ కలుపుకుని పోవాలనడం, మాట్లాడితే మౌలిక సంస్కరణలు కావాలని మాట్లాడ్డం పూర్తిగా సామాజిక సేవా సంస్థ లక్షణం! జేపీ ఏమంటున్నారంటే "అధికారం సిద్ధించినంత మాత్రాన (ఆమ్ ఆద్మీ పార్టీ) అన్నీ చేసేయగలం అనుకోకూడదు" అని!

కావొచ్చు. కానీ ఏదో కొంతయినా సాధించాలంటే అధికారం చేతిలో ఉండాలి, అధికారం కాక పోయినా ప్రజలకు ప్రాతినిధ్యం వహించగలిగే శక్తి ఉండాలని ఆమ్ ఆద్మీ పార్టీ గుర్తించింది. అది లోక్ సత్తా గుర్తించలేదు సరి కదా, ఆ వైపుగా అడుగులు వేస్తున్నట్లు గా కూడా కనిపించదు.

లోక్ సత్తాలో ద్వితీయ శ్రేణి నాయకత్వం అన్నదే ఎక్కడా కనపడదు. జేపీ జేపీ జేపీ! మహా అయితే ఆయన తర్వాత ఒకరిద్దరు.  కేడర్ పెంచుకోవడం పట్ల శ్రద్ధ లేదు. పెంచుకునే కేడర్ నాణ్యత మీద శ్రద్ద లేదు.

విద్యా వంతులు తమంతట తాముగా ముందుకొచ్చినపుడు వారిలో చాలా మందిని పార్టీ నిర్లక్ష్యం చేసింది. సృజనాత్మక ఆలోచనలు ప్రతిపాదించిన సమయాల్లో వాటికి ప్రాముఖ్యం ఇవ్వలేదు. ఎన్నికల తర్వాత కార్య కర్తలను పూర్తిగా నిర్లక్ష్యం చేశారు. స్త్రీలకు క్రియా శీలక పాత్రే లేదు! లోక్ సత్తాలో "కులం" ప్రవేశించి చాలా రోజులైందని అంటుంటారు చాలా మంది!

ఇక కూకట్ పల్లి ఎమ్మెల్యే గా జేపీ ఆ ప్రాంతానికి ఏమి చేశారో నాకు తెలీదు. పార్టీ కార్య కలాపాలు రాష్ట్ర వ్యాప్తంగా ఉత్సాహంగా ఏమీ జరుగుతున్నట్లు ఎక్కడా వార్తలు రావు. రాజ్యాంగ బద్ధమైన భాష వాడుతూ ప్రకటనలు వెలువడటం తప్ప!హైద్రాబాద్ నగరంలో కూడా కుకట్ పల్లి నియోజక వర్గంలో తప్ప  పెద్దగా సడి కనిపించదు.

ఆమ్ ఆద్మీ పార్టీ దేశ వ్యాప్తంగా విస్తరిస్తే వారితో కలిసి పని చేసే అవకాశాలున్నాయని వార్తలు వస్తున్నాయి. ఇప్పుడున్న విధంగానే లోక్ సత్తా పని చేసేట్లయితే ఆమ్ ఆద్మీ పార్టీ తన సొంత అజెండా తో స్వయంగానూ, స్వతంత్రంగానూ  రాష్ట్రంలో అడుగు పెడితే మంచిది.

సామాన్యుడికి చేరువ కావాలంటే వారితో మమేకమై పని చేయాలి. వారి పరిథిలోకి ప్రవేశించాలి.

మౌలిక మైన మార్పు కావాలి, నిజమే! కానీ అది అర్థం అయ్యే దశలోనూ, స్థితిలోనూ సామాన్య ఓటరు లేని నాడు ముందు అతని సమస్యల కోసం పని చేయడం ద్వారా అతనికి దగ్గరై , మౌలిక సంస్కరణల పట్ల అతనికి అవగాహన కల్గించాలి.

సామాన్యుడికి చేరువ కాని నాడు , సామాన్యుల లోంచి పుట్టిన పార్టీకైనా సరే ఆదరణ దొరకదు! చప్పట్లు దొరుకుతాయి కానీ ఓట్లు పడవు!

AAP చేసింది, లోక్ సత్తా చేయాల్సిందీ ఇదే ! జనం లోకి వెళ్లడం!

ఇదే నా అభిప్రాయం



52 comments:

kastephale said...

ఆంధ్రులు ఆరంభ శూరులు.

Sree naadh said...

అందరినీ కలుపుకుపోదామన్న ఆదర్శవాదం మనం దేన్నివ్యతిరేకిస్తున్నాం, దేంతో విభేదిస్తున్నామన్న విషయంలో మనల్నీ, మనగురించి ఇతరుల్నీ తికమకలోకి నెట్టేసి, సైధ్ధాంతిక గందరగోళానికి దారితీస్తుంది. చాలాసార్లు మనమేంటి అన్నది, మనం దేన్ని వ్యతిరేకిస్తున్నాం, దేంతో రాజీపడటానికి, ఎవర్ని కలుపుకుపోవడానికి అయిష్టతచూపితున్నాం అనేవాటి విషయంలో స్పష్టమౌతుంది. The rule always is to take sides and state your enemies clearly that is of course if you care more about credibility and sincerity than acceptability.

చాణక్య said...

లోక్‌సత్తా కేడర్ నిర్మించుకోవడంలో ఫెయిల్ అయిందనే ఒక్క విమర్శ తప్పితే మిగతా ఏ పాయింట్‌తోనూ నేను అంగీకరించను. నేను లోక్‌సత్తా అభిమానిని కూడా కాదు. కానీ మీరు లోక్‌సత్తాకు, ఏఏపీకు పోలిక తెచ్చారు కాబట్టి చెబుతున్నా.. ఆపిల్స్, ఆరెంజెస్ పోలికలా ఉందిది. ఏఏపీ ఢిల్లీలో కాకుండా ఇంకెక్కడైనా పోటీ చేసి ఉంటే ఓట్లు వస్తాయి కానీ ఒకట్రెండు సీట్లు అయినా వస్తాయని నేననుకోవట్లేదు. గత కొన్నేళ్లుగా ఢిల్లీలో పరిస్థితులు ఏఏపీకు బాగా కలిసివచ్చాయి.

లోక్‌సత్తా అగ్రెసివ్‌గా ప్రచారం చేసుకోవట్లేదనేది నాకు ఎప్పట్నుంచో ఉన్న కంప్లైంట్. వాళ్ళేం చేశారో, ఏం చేస్తారో జనంలోకి వచ్చి చెప్పుకోవాలి. కానీ ఏఏపీతో పోలిస్తే లోక్‌సత్తా విధానాలలో కానీ, ఆచరణలో కానీ చాలా స్పష్టత ఉంది. ఏఏపీ ఎంతసేపూ 'అందరూ దొంగలు, మేము మాత్రమే మంచివాళ్లం' అని ప్రచారం చేసుకోవడం తప్ప అధికారంలోకి వస్తే ఏం చేస్తారనేది చెప్పరు. సమస్యలను ఎలా పరిష్కరిద్దాం అనుకుంటున్నారో చెప్పరు. అచ్చం మోడీగారిలా!

'మేము మంచివాళ్లం' అని ఏ పార్టీ అయినా ఎందుకు చెప్పుకోవాలన్నది నా ప్రశ్న!? ఏనాడూ అధికారం అనుభవించని లోక్‌సత్తా, ఏఏపీ లాంటి పార్టీలు అలా చెప్పుకున్నా దానికి క్రెడిబిలిటీ ఉండదు. ఎందుకంటే అధికారం ఇచ్చి చూస్తే కదా నిజంగా వీళ్లు నిజాయితీపరులా కాదా అనేది తెలిసేది. ఏమో ఏఏపీ కూడా రేపు సాంప్రదాయిక రాజకీయపార్టీలలా మారదని ఎవరు గ్యారెంటీ ఇవ్వగలరు?

రాధిక(నాని ) said...

బాగారాసారు బాగుంది .

M Gajendra said...

great Words .i agree with you

bonagiri said...

అవినీతి సాధారణ విషయం అయిపోయిన మన రాష్ట్రంలో AAP పోటీ చేసినా లోక్‌సత్తాకి వచ్చిన ఫలితాలే వస్తాయి.
ఢిల్లీలో కులం, మతం చూసి ఎవరూ ఓటు వెయ్యలేదు ఈసారి.

సుజాత said...

కష్టేఫలే గారూ,

కొన్ని విషయాల్లో లోక్ సత్తా అలాగే అనిపిస్తుందండీ

సుజాత said...

Sree naath గారూ, కరెక్ట్ గా చెప్పారు. లోక్ సత్తాలో ఈ గందరగోళం మొదటి నుంచీ ఉంది. అయితే దాన్ని దూరం చేసే దిశగా ప్రయత్నాలు ఏమీ జరగలేదు. జరుగుతాయని ఆశ కూడా లేదు

సుజాత said...

చాణక్య,

ఒక వ్యక్తినో సంస్థనో సమర్థించడానికి అభిమాని కానక్కర్లేదు. విభేదించడానికి విరోధీ కానక్కర్లేదు. అందువల్ల మీరు desclimers లేకుండా వ్యాఖ్యలు రాస్తే బాగుంటుంది.

మీరు బ్లాగ్ పోస్ట్ వివరంగా చదివినట్లు గా లేదు. వీలైతే మరో సారి చదవండి. మీ వ్యాఖ్యలో పరస్పర వ్యతిరేకమైన అభిప్రాయాలు వ్యక్తమవుతున్నాయి. కేడర్ నిర్మించుకోవడంలో తప్ప ఇంకెక్కడా లోక్ సత్తా ఫెయిల్ కాలేదంటూనే, ప్రచారం చేసుకోడం లేదని కంప్లెయింట్ ఉందంటున్నారు (ఫెయిల్ అయిందని ఒప్పుకున్నారు). అసలు వాళ్ళు ఏమి చేసారు, చేస్తున్నారనే దాని మీద పార్టీలో కూడా ఎవరికీ క్లారిటీ ఉండదు. మీరో పని చేసి చూడండి. రోడ్డున పోయే ఒక లోక్ సత్తా కార్యకర్తను ఆపి "తెలంగాణా మీద మీ స్టాండ్ ఏమిటి" అని చప్పున అడిగి చూడండి!(ఎక్కువ టైము ఇవ్వకూడదు)

లేదా "లోక్ సత్తా కార్యాచరణ ప్రణాళిక ఏమిటి (ఏదో ఒక అంశం తీసుకోండి). మీకు గన్ షాట్ గా "ఇదీ" అని క్లారిటీ తో జవాబు వస్తే చెప్పండి. దాని గురించి మళ్ళీ మాట్లాడుకుందాం! మీరేమి చేసారు? అని ఎవరైనా ఆ పార్టీని అడిగితే సమాచార హక్కు చట్టం గురించీ, ఎన్నికల సంస్కరణల గురించీ చెప్పాలి.. ! ఇవన్నీ ఒక సంస్థ స్థాయిలో చేసినవి. మురికి వాడల్లో ఉండే సామాన్య ఓటర్ కి అవేమిటో అర్థం కాదు. అవి వాళ్లకు తెలీదు కూడా!

ఢిల్లీలో పరిస్థితులు ఆమ్ ఆద్మీ కి కలిసి వచ్చినపుడు ఏపీ లో పరిస్థితుల్ని (ఇంత ఘోరంగా మారక ముందే) లోక్ సత్తా ఎందుకు అంది పుచ్చుకుని అవకాశాలుగా మార్చుకోలేక పోయిందో ఆలోచించండి? AAP అవినీతి పార్టీలను వూడ్చేసే దిశగా తాము చేసిన పనుల్ని చెప్పుకోడం లో తప్పేముంది? మీరే అన్నారుగా, లోక్ సత్తా ప్రచారం చేసుకోడంలో ఫెయిల్ అయిందని? అదే పని ఆమ్ ఆద్మీ పార్టీ చేస్తే అందులో మీకు తప్పెలా కనపడింది?వాళ్లను తీసుకెళ్ళి అప్పుడే మోడీ తో పోల్చకండి. ఇంకా బీజేపీ లాగా అంత భ్రష్టు పట్టలేదు కాబట్టి!

మీరు వాళ్ళ పని తీరుని గమనించారా? వాళ్ళు మెట్రో రైళ్ళలోనూ, జనాలు గుమిగూడే ప్రదేశాల్లో మామూలు మనుషుల్లో కల్సి పోయి ఇద్దరు వ్యక్తుల మధ్య చర్చ లాగా ఆమ్ ఆద్మీ పార్టీ గురించి చర్చించుకుంటూ దాన్ని ప్రజల్లోకి తీసుకెళ్లారు. నియోజక వర్గాన్ని బట్టి మానిఫెస్టో తయారు చేసారు. ఇవన్నీ కేజ్రీవాల్ ఒక్కడే చేసి ఉండడు డెఫినెట్ గా! కొత్త ఆలోచనలతో ముందుకొచ్చిన వారికి ప్రోత్సాహం దొరికి ఉంటుంది. which did not (and will never) happen in lOk satta!


ఎందుకంటే అధికారం ఇచ్చి చూస్తే కదా నిజంగా వీళ్లు నిజాయితీపరులా కాదా అనేది తెలిసేది._____________గుడ్.. పాయింట్ కి వచ్చారు. నా పోస్ట్ దాని గురించే! అధికారం దక్కించుకోకుండా ఎన్ని చెప్పినా క్రెడిబిలిటీ ఉండదు. కానీ ఆ అధికారం దక్కాలంటే ప్రజలకు ఎలా దగ్గర కావాలో AAP చేసి చూపించింది. అది లోక్ సత్తా కు చాత గాక పోయింది. అదీ నేను చెప్పింది.

బైదవే, నేను లోక్ సత్తా పార్టీలో ఎగ్జిక్యూటివ్ మెంబర్ గా, (స్వయంగా పది రూపాయలు తీసుకుని జేపీయే మెంబర్షిప్ ఇచ్చారు నాకు 2006 లో) vigorous గా పని చేసి ఉన్నాను.! విసిగి పోయీ ఉన్నాను. ప్రస్తుతం మెంబర్షిప్ రెన్యూ కూడా చేయక మురగబెట్టాను!

సుజాత said...

రాధిక గారూ, గజేంద్ర గారూ,

థాంక్యూ

సుజాత said...

Bongiri gaaru,
అవినీతి ప్రతి చోటా ఉందండీ! లోక్ సత్తా వెళ్ళి ఢిల్లీలో అధికారం దక్కించుకోగలదంటారా? ఎక్కడైనా సరే ప్రజల్లోకి వెళ్ళాలని ప్రయత్నించని పార్టీ ఎక్కడ వేసిన గొంగళి చందాన అక్కడే ఉంటుంది. సామాన్యుల పార్టీ, నీతి గల పార్టీ మధ్య తరగతి జనాల పార్టీ అని పార్టీ ఆఫీసుల్లో కూచుని ప్రెస్ మీట్లలో వాక్రుచ్చితే చాలదు, జనంలోకి వెళ్ళాలి.

సుజాత said...

వేణు గారూ, నా బ్లాగ్ మొదటి నుంచీ సామాజిక రాజకీయ అంశాల మీద స్పందిస్తూనే ఉంది. దీన్ని కేవలం సంగీత సాహిత్యాల వంటల బ్లాగ్ గా మీరు గుర్తించడం కొంత ఆశ్చర్యమే!

ప్రభుత్వాల మీద ప్రజలకు అసంతృప్తి మన రాష్ట్రంలోనూ ఉంది. దాన్ని తమ వోట్ బాంక్ గా మలచుకోలేక పోయారనే లోక్ సత్తా గురించి మాట్లాడాను

వేణు said...

ఈ మధ్య మీరు రాసిన బ్లాగ్ పోస్టుల ‘వరస’ గురించి సరదాగా గుర్తు చేస్తూ అలా రాశాను. మీ టపాల్లో వైవిధ్యం గురించి చెప్పటమే నా ఉద్దేశం!




Surabhi said...

Sujatha Gaaru,
Nice to see you after so many days with a good post.
waiting here like chakora pakshi( I can see your writings on other portals but I always felt you open up a lot in blogs).
I agree with the reply you gave to Venu gaaru.
You are one of the blogger who touches all topics literature to politicsto everything in the society.
Even I am feeling so desperate to write on few topics but hesitant about writing skills and typing in telugu.
Please write more in blogs

Sujata said...

Good post sujata garu

JP seems to be reviewing all the points u have raised. AAP has not only marketed itself well, it connected itself with the nerve of the voter like price rise and corruption. These are the basic things that effect a commoner. Only due to corruption prices cant be brought out. UPA lacked the political will. AAP at least thinks it does.

JP now says he has to concentrate on poor. Poor JP.

Sujata said...

I also beg to disagree with Venu Garu..

Your blog does touch every aspect in life. And I feel its different and witty. You may not be so poetic but I like ur straight to the point style of writing. Im proud u wrote this political analysis, which none-the-less, can be useful bit of information for JP himself.

సుజాత said...

Dear Surabhi garu,

Good to see you after a long time:-)
I am really busy these days with other activities. More over, some times I feel so lazy to write on certain issues and just let it go....

Thank you for your kind words about my blog. Will try to be regular (not frquently though..) in blog writing

సుజాత said...

Sujata garu,

comments, Dash board, approving comments..this is all like De ja vu for me :-))

Yes..AAP has good marketing techniques it absolutely studied the voter's pulse. Now, we can expect a little moment in LP at least for now. Some times I feel very bad for JP.

And thanks for the nice words about my blog. JP doesn't need any info from here, but LP doesn't have a strong cadre and an action plan too!

వాళ్లకు తోచదు, చెప్తే వినరు __________Type :-)

కొండముది సాయికిరణ్ కుమార్ said...

మీ వ్యాసంపై అభిప్రాయం కాదు కానీ, ఈరోజే ఆవకాయ.కామ్‌లో నేను వ్రాసిన వ్యాసం :

ఆమ్ఆద్మీ ప్రజల ఆకాంక్షలకు అసలైన రూపమా, దేశం ఎదుర్కొంటున్న సమస్యలకు ఆమ్ఆద్మీనే పరిష్కారమే అని చర్చించాల్సిన అవసరం ఇప్పుడు ఉంది. ప్రస్తుతానికి, అవినీతి మీద తప్పించి ఇతర జాతీయ సమస్యల మీద ఆమ్ఆద్మీ దృక్ఫథం తెలియదు. ఢిల్లీ అసెంబ్లీ ఎన్నికలలో, ఆ పార్టీ అవినీతితోపాటుగా, స్థానిక సమస్యలనే ఏజెండాగా చేసుకొని పోరాడింది. అందుకు ఆ పార్టీ వెలువరించిన 30-40 మ్యానిఫెస్టోలే ఓ ఉదాహరణ. మరి దేశ సమస్యల మీద ఇంతవరకూ తన విధివిధానాలు ప్రకటించని ఓ పార్టీ కాంగ్రెస్‌కైనా, భా.జ.పా.కైనా ప్రత్యామ్నాయం ఎలా కాగలదు? మరి మన జాతీయ మీడియా ఆమ్ఆద్మీ పార్టీ విషయంలో అత్యుత్సాహం ఎందుకు చూపిస్తున్నది? ఎన్నికల ఫలితాలు వెలువడిన తర్వాత ఒకానొక ప్రశ్నకు సమాధానమిస్తూ, అరవింద్ కేజ్రీవాల్ "ఈ ఫలితాలు, కాంగ్రెస్, భా.జ.పా.ల అవినీతికి వ్యతిరేకంగా ప్రజలు ఇచ్చిన తీర్పు"గా ప్రకటించాడు. మరి ఆ ప్రజలే 32 స్థానాలలో భా.జ.పా.ని గెలిపించారుగా. దానికి ఆయన సమాధానం ఏమిటి? ఈ ప్రాథమికమైన ప్రశ్న కూడా వేయకుండా ఆ పార్టీని జాతీయ మీడియా నెత్తికెందుకు ఎక్కించుకుంటున్నది?

ఉత్తరప్రదేశ్, బీహార్, మధ్యప్రదేశ్, ఆంధ్ర, తమిళనాడు, కర్ణాటక, రాజస్థాన్ తదితర రాష్ట్రాలలో విరివిగా కనిపించే వివాదాస్పద విషయాలు ఢిల్లీలో లేవు. వద్దు అనుకున్నా వదులుకోలేని కుల, మత, ప్రాంతీయ రాజకీయాలు దేశంలోని దాదాపు అన్ని రాష్ట్రాలలో రాజ్యం చేస్తున్నాయి. ఢిల్లీలో ఇటువంటి వివాదాలు మిగతా రాష్ట్రాలతో పోలిస్తే చాలా తక్కువ. కాబట్టే, కుల మత ప్రాంతీయాల ప్రమేయం లేకుండా ప్రజలు ఆమ్ఆద్మీకి కూడా వోటు వేసారు. ఈ రకంగా ఇతర రాష్ట్రాలలో ఆ పార్టీని అక్కున చేర్చుకుంటారా అనేది అనుమానాస్పదమే. ఆంధ్రప్రదేశ్ ఒక ఉదాహరణగా తీసుకుంటే, ఒకవేళ ఆమ్ఆద్మీ ఇక్కడ ఎన్నికల్లో నిలవాలంటే మొదటగా తెలంగాణాపై తన అభిప్రాయాన్ని చెప్పగలగాలి. అలా చెప్పగలిగే పరిస్థితుల్లో ఆ పార్టీ ఉన్నదా? చెప్పినా, ఆయాప్రాంతాల ప్రజలు ఆ పార్టీని ఆదరిస్తారా? ఒక కాస్మోపాలిటన్ పట్టణంలో ప్రభుత్వాన్ని ఏర్పరచగలిగే మెజారిటీ కూడా సంపాదించకుండా, 28 సీట్లు గెల్చుకున్నంత మాత్రానే, ఆమ్ఆద్మీ పార్టీ ఇతర జాతీయపార్టీలకు సింహస్వప్నమౌతుందని భావించటం అవివేకం.
...contd

కొండముది సాయికిరణ్ కుమార్ said...

...contd
దాదాపు జాతీయ మీడియా యావత్తూ ఆమ్ఆద్మీ పార్టీని ఊరేగించబూనటంలోని ఔచిత్యం ఇక్కడ ప్రశ్నార్ధకం! ఫలితాలు ప్రకటించిన తర్వాత నరేంద్ర మోడీ గాలి వీస్తున్నదని ఒప్పుకోవటానికి మనస్కరించక, ఆమ్ఆద్మీ పార్టీని నెత్తిన పెట్టుకుంటున్నారు. ఎన్నికలు జరిగిన అయిదు రాష్ట్రాలలో, మూడు రాష్ట్రాలలో భా.జ.పా. ప్రభుత్వం ఏర్పాటు చేయబోతున్నది. రాజస్థాన్‌లో కాంగ్రెస్ ప్రభుత్వాన్ని నామరూపాలు లేకుండా ఓడించటమే కాకుండా, మధ్యప్రదేశ్, చత్తీస్‌గఢ్‌లలో మూడోసారి పగ్గాలు చేబట్టబోతున్నది. ఢిల్లీలో అతిపెద్దపార్టీగా అవతరించింది. ఇంత పెద్ద గెలుపును గమనించకుండా, 28 సీట్లు మాత్రమే గెల్చుకున్న ఓ పార్టీ విజయదుందుభి మోగిస్తున్నదనే పొగడ్తలేమిటి? భా.జ.పా. గెలుపుకు ముఖ్యకారకుడైన నరేంద్రమోడీకి సమవుజ్జీగా అరవింద్ కేజ్రీవాల్‌ను నిలబెట్టాలనే ప్రయత్నం చేయటమేమిటి?

చూడబోతే, ఇవన్నీ కాంగ్రెస్ పెయిడ్ మీడియాలా అనిపిస్తున్నాయి. ఎన్నికల సమయంలో కూడా కాంగ్రెస్ కన్నా ఎక్కువగా నరేంద్రమోడీని, ఆయన కారణంగా భా.జ.పా.ని ఇదే మీడియా ఆడిపోసుకున్నదనే మాట వాస్తవం. ఒక్క టీవీ మాధ్యమమే కాకుండా, సోషల్ మీడియా ద్వారా దుమ్మెత్తిపోసే అన్ని ద్వారాలు తెరిచిపెట్టుకుంది మీడియా. అప్పట్లో ప్రధానంగా రాహుల్‌గాంధికి దన్నుగా నిలవాలనే ఉద్దేశ్యంతో మొదలైన కార్యక్రమాలలో రాహుల్ ఏరకంగా మోడీకి ధీటుగా నిలబడగలడో అన్న విషయాలపై చర్చలు, వాదోపవాదాలు చేయటంతో మొదలైన వ్యవహారం, క్రమంగా రాహుల్ సభలకు ప్రజలు రాకపోవటం, వచ్చినా రాహుల్ ప్రసంగం మొదలు కాగానే వెళ్ళిపోబోవటం, యువరాజు గారి ప్రసంగాలలో ఏమాత్రమూ పరిణతి కనిపించకపోవటం, చివరికి రాబోయే ఫలితాలు ఎగ్జిట్‌పోల్సులో అటూఇటూగా తెలిసిపోవటంతో మీడియా ఇరుకున పడినట్లయ్యింది.

వాళ్ళు నిర్వహించిన ఏ పోల్సులో కూడా ఆమ్ఆద్మీకి 12-18 సీట్లకు మించి వస్తాయని ఎప్పుడూ చెప్పలేదు. అసలు ఆ పార్టీ తమకు పోటీయే కాదని కాంగ్రెస్, భా.జ.పా. కూడా ప్రకటించేసాయి. ఫలితాలు వచ్చిన తర్వాత కాంగ్రెస్ మట్టికొట్టుకుపోవటంతోబాటు, ఆమ్ఆద్మీకి 28 సీట్లు రావటంతో, మోడీని ఎదుర్కోగలిగిన మొనగాడు మీడియాకు కనిపించాడు మరి! ముఖ్యంగా గమనించాల్సిన క్రమం చూడండి. ముందుగా, ఫలితాల మీద మాట్లాడుతూ, రాహుల్ గాంధీ ఆమ్ఆద్మీని చూసి నేర్చుకోవాలని కాంగ్రెస్ శ్రేణులకు పిలుపు ఇవ్వటం. ఆ వెంటనే, షకీల్ అహమ్మద్ కాంగ్రెస్ పార్టీ తరుఫున ఆమ్ఆద్మీ పార్టీకి బేషరతు మద్దతు ప్రకటించటం, వెంటనే కొన్ని మీడియా ఛానల్సులో ప్రజల అభిప్రాయాలతో ఆమ్ఆద్మీ ప్రభుత్వం ఏర్పాటు చేయాలని వార్తలు ప్రసారం చేయటం. అది అందిపుచ్చుకొని ఇప్పుడు ఢిల్లీలో నరేంద్రమోడీని నిలువరించగలిగే మొనగాడు అరవింద్ అంటూ ఒకటేపనిగా దాదాపు అన్ని ఛానల్సు ఊదరగొట్టేయటం!

మొన్నటిదాకా, ప్రతిపక్షాల ఓట్లు చీల్చడానికి ప్రాంతీయ పార్టీలను ప్రోత్సహించిన కాంగ్రెస్, ఆమ్ఆద్మీ దెబ్బకు కుదేలై, ఇప్పుడు ఆ పార్టీని తనవైపుకు తిప్పుకొని భా.జ.పా.కు వ్యతిరేకంగా ఉపయోగించుకోవాలని ఆశిస్తున్నట్లుంది. ఎందుకంటే, మీడియా చెబుతున్నంతగా ఆమ్ఆద్మీ హవా ఉండి ఉన్నట్లయితే భా.జ.పా. ఢిల్లీలో 32 సీట్లు గెలుచుకునేదే కాదు. ఆ విషయం గ్రహించింది కాబట్టే, కాంగ్రెస్ పరిస్థితులను తనకు అనుకూలంగా మార్చుకోవాలనే మీడియాతో పాచికలు వేయిస్తున్నది. ఢిల్లీలో హంగే స్థిరపడితే, ఆరు నెలల తర్వాత వచ్చే ఎన్నికల్లో తమకు వచ్చిన ఆ ఎనిమిది కూడా మిగలవని కాంగ్రెస్‌కు తెలుసు. నా అభిప్రాయం మేరకు, దేశంలో ఆమ్ఆద్మీ హవా ఏమీ లేదు. ఉన్నా, ఢిల్లీ లాంటి కొన్ని అర్బన్, కాస్మొ, మెట్రొపాలిటన్ ప్రాంతాలకే పరిమితమౌతుంది. ఈ విషయాలు గమనించుకుంటే ఆమ్ఆద్మీకి మేలు!

సుజాత said...

సాయి కిరణ్ గారూ,

నా వ్యాసం మీద అభిప్రాయం కాదు కాబట్టి మీ వ్యాసం గురించే మాట్లాడదాం! మీ వ్యాసం పూర్తిగా భాజపాని వెనకేసుకొస్తూ, AAP ని ఎండగట్టటం మీదే సాగినట్లుగా ఉంది! ఆమ్ ఆద్మీని ప్రజలు ఆదరిస్తారా లేదా అన్న దిగులు మిగతా పార్టీలకు పూర్తిగా అనవసరం. ఆదరించక పోతే కాంగ్రెస్ కరిచినట్లే మట్టి కరుస్తారు. అంతే కదా! మోడీ ని ప్రధాని అభ్యర్ధి గా ప్రకటించడం ద్వారా మాత్రమే ఓట్లు మూట గట్టిన బీజేపీ గెలుపు ఏ మాత్రం జెన్యూన్ అంటారు? మోడీ గుజరాత్ లో అభివృద్ధి మంత్రాన్ని పఠించి ఎంతో కొంత చేసి ఉండొచ్చు. కానీ ఇప్పుడు వీస్తున్న ఆయన గాలికి మాత్రం అది కారణం కాదన్నది బహిరంగ రహస్యమే!

కాంగ్రెస్, భాజపా లాంటి సంప్రదాయ ముసలి పార్టీలను ప్రజలు ఎంచుకోడానికి 99% కారణం వేరే ప్రత్యామ్నాయం లేక తప్ప అవేవో పొడిచేసాయని కాదు.ఏ స్థానిక పార్టీ మీద విరక్తి పుట్టినా.. ప్రత్యామ్నాయంగా కాంగ్రెస్, భాజపా తప్ప క్రియాశీలకంగా పని చేస్తూ, శక్తులు నిండిన పార్టీ ఒక్కటీ లేక పోవడం.. దేశ ప్రజల దౌర్భాగ్యం! అభివృద్ధిని చూపి కాక మత వాది అయిన ఒక వ్యక్తిని చూపించి ఓట్లు రాల్చుకోడం ఏ విధం గా కరెక్టో ఆ పార్టీయే చెప్పాలి!

ఢిల్లీ లో మాత్రమే పోటీ చేసిన AAP స్థానిక సమస్యల మీద దృష్టి పెట్టడంలో తప్పేమిటి? ప్రాంతాన్ని బట్టి అక్కడి సమస్యలను బట్టి 30,40 మానిఫెస్టోలని తయారు చేసుకోడాన్ని నేనైతే సృజనాత్మక ఆలోచనగా స్వాగతిస్తున్నాను. ఏడాది క్రితం ఏర్పడి కాంగ్రెస్ కంచుకోట లాంటి ఢిల్లీలో అనూహ్యంగా 28 సీట్లు సంపాదించిన పార్టీ ని అభినందించాలా,ప్రభుత్వాన్ని ఏర్పాటు చేయలేక పోయిందని ఎద్దేవా చేయాలా?

ఈ పార్టీ సంగతి సరే, మరి దశాబ్దాల చరిత్ర ఉన్న బీజేపీ కూడా ఢిల్లీలో ప్రభుత్వాన్ని ఏర్పాటు చేసే మెజారిటీ తెచ్చుకోలేక పోయిందేం? మోడీ గాలి ఒక్క సీటు దూరంలో ఎందుకు ఆగిపోయిందంటారు?

AAP తమకు పోటీయే కాదని ప్రకటించడం కాంగ్రెస్, బీజేపీ ల డెస్పరేట్ కండిషన్ కి ఒక ఉదాహరణే! ఇప్పుడు రాహుల్ ఏమంటున్నాడూ? AAP ని చూసి నేర్చుకోవాలంటున్నాడు.

మీడియా గురించి మనం సీరియస్ గా తీసుకోనక్కర్లేదు. కేజ్రీవాల్ కి ఇంత విజయం దక్కి ఉండక పోతే ఆయన్ని ఇదే స్థాయిలో చీల్చి చెండాడేసేదే ఈ మీడియా!ప్రతి మీడియా ఛానెలూ ఏదో ఒక పార్టీ చేత పోషించబడుతున్నదే!

కాంగ్రెస్ గురించి ఎంత తక్కువగా మాట్లాడుకుంటే అంత మంచిది. ఎంతకైనా దిగజారే నీచత్వం వారి సొంతం!

AAP హవా ముందు ముందు దేశంలో ఎలా ఉండబోతోందన్నది చర్చించడం ఆలూ లేదూ చూలూ లేదు సామెత లాంటిదే! కానీ సోషల్ మీడియా అనండి, మీడియా అనండి ఆ పార్టీకి దేశ వ్యాప్తంగా విస్తృత ప్రచారం లభించిన మాట మాత్రం వాస్తవం. ప్రజలు దాని మీద ఆసక్తి చూపించడం లేదన్నది, దాన్నెవరూ పట్టించుకోబోరని ఇతర పార్టీలు వాక్రుచ్చితే అది మేకబోతు గాంభీర్యం తో, తత్తర పాటుని కప్పి పుచ్చుకుంటూ మాట్లాడే మాటలే!

నాకొకటి అవగతం కావట్లేదు. ఎంతో కొంత మంచి బాక్ గ్రౌండ్ ఉండి, ఏదో ఒకటి చేద్దామనే ఆదర్శాలతో , కాస్త ఎక్కువైన ఆవేశంతో ఎవరైనా ముందుకొస్తే వాళ్ళేమి చేస్తారో చూడకుండానే "ఏమి చేస్తారో ముందు చెప్పలేదు కాబట్టి" వాళ్ళు పనికి రారు అని నిర్థారించడం సబబేనా? జాతీయ స్థాయిలో యాక్టివ్ అయ్యాక AAP జాతీయ విధానాలపై విధి విధానానలు ప్రకటిస్తుందని ఎదురు చూడలేమా?

వాళ్ళు పది రూపాయలు ఎవరి దగ్గరో తీసుకుని రసీదు ఇవ్వలేదనో, రసీదు లేకుండా విరాళాలు తీసుకోడానికి ఒప్పుకున్నారని నిఘా కెమెరాలు పెట్టి నిరూపించడం ఇవన్నీ... సంప్రదాయ ముసలి పార్టీలు ఎంత దడుచుకు చస్తున్నాయో వాళ్లంతట వాళ్ళే బహిరంగంగా చెప్పుకోడమూ, ఒప్పుకోడమే!

AAP ఏమైనా చేస్తుందా, చతికిల బడుతుందా అన్న దాని మీద ఊహాగానాలు చేయడం ఇప్పుడే సబబు కాదు. వందల ఏళ్ల నుంచి పాతుకు పోయిన పార్టీలు ఏమీ చేయక ప్రజలని నిర్లక్ష్యం చేసిన నాడు, ఒక కొత్త విశ్వాసంతో ముందుకు వచ్చిన ఈ పార్టీ ఏమి చేస్తుందో చూడాలంటే వారికి కొంత టైము ఇవ్వాలి. ఎలాగూ అధికారంలోకి రాలేదు కాబట్టి ప్రతి పక్షంగా వాళ్ళేమి చేస్తారో చూడాలి. అది సరిగా చేయని నాడు ప్రజలే వాళ్ళని నిలదీస్తారు.

వాళ్ల గురించి అది చేస్తారు,ఇది చెయ్యలేరు, ప్రభావం ఉంది లేదు లాటి గెస్ లు ఇప్పుడు టూ ఎర్లీ



UG SriRam said...

*ఎంతో కొంత మంచి బాక్ గ్రౌండ్ ఉండి, ఏదో ఒకటి చేద్దామనే ఆదర్శాలతో , కాస్త ఎక్కువైన ఆవేశంతో ఎవరైనా ముందుకొస్తే *

మీరు చెప్పిందే తీసుకొండి. అసలికి ఆ పార్టికి అన్ని స్థానాలు వస్తాయని ఎవరు అనుకోలేదనుకొందాం. అధికారానికి అంత దగ్గరగా వచ్చిన వారు, ప్రభుత్వాన్ని ఏర్పాటు చేయటానికి సర్వశక్తులు ఒడ్డాలి. మరి సదరు అరవింద్ కేజ్రివాల్ గారు ఎమీ చేస్తున్నారు? బిజెపి కాంగ్రెస్ పార్టిలు రెండు అవినీతి పార్టిలు, వాళిద్దరు కలసి ప్రభుత్వం ఏర్పాటు చేస్తారు చూడండి , మేము సంకీర్ణ ప్రభుత్వం ఏర్పాటు చేయం, మాకు దాని మీద నమ్మకం లేదు, అధికారం మీదాసక్తి లేదు. పూర్తి మేజారిటి వస్తేనే ప్రభుత్వాన్ని ఏర్పాటు చేస్తాం , లేకపోతే లేదు అని మీడీయాలో నొక్కి వక్కాణిస్తున్నారు. ఇక్కడ ప్రశ్న ఎమిటంటే, సదరు అరవింద్ కేజ్రివాల్ గారు ఎన్నికలలో నిలబడింది, బిజెపి కాంగ్రెస్ పార్టిలు రెండు అవినీతి పార్టిలని నిరూపించటానికా? లేక ఆయన నిజాయితిని లోకానికి చాటుకోవటానికా? భారత ప్రజలకు ఎవరు నిజాయితి పరులో, కారో గుర్తించలేని పరిస్థితిలో ఉన్నారా? ప్రభుత్వధికారిగా నిజాయితీగా పనిచేసే అశోక్ ఖెంకా గారికి ఎన్ని సార్లు బదలీలు జరిగాయి, కేజ్రివాల్ గారిని ఎన్ని సార్లు బదలి చేశారో ఒకసారి పరిశీలిస్తే, వీరిద్దరిలో అశోక్ ఖెంకా గారు ఎంత నిజాయితిపరులో అర్థమౌతుంది.ఆయన వ్యక్తిగత నిజాయితీని నిరుపించుకోవటానికోసం అయితే, ఆయన ప్రభుత్వ ఉద్యోగిగానే కొనసాగి ఉండవచ్చుకదా! ఎన్నికలలో ఎవరైనా పాల్గొనేది అధికారం లోకి రావటం కోసం, వచ్చిన తరువాత మేనిఫేస్టో అమలు చేయటం కోసం. ఇంత దెబ్బ తిన్న కాంగ్రెస్ పార్టి ఇంకా అవినితిని నెత్తికెత్తుకొనే పరిస్థితిలో ఉందా? కాంగ్రెస్ ఎనిమిది మంది యం.యల్.ఎ.ల మద్దతు తీసుకొని ప్రభుత్వన్ని నడిపించి చూపవచ్చుగదా కెజ్రివాల్ గారు. అధికారానికి ఇంత దగ్గరకి వచ్చిన తరువాత, ప్రభుత్వ ఏర్పాటుకు కనీస ప్రయత్నం చేయకుండా గాలికి వదలి, ఇంకొకసారి ఎన్నికలకు తయారవుతాం అనటం, కేజ్రివాల్ బాధ్యతా రాహిత్యాన్ని సూచిస్తున్నది. అతని ఆంతర్యం శంకించదగినది. అది ముందు ముందు బయటపడుతుంది. డిల్లి ఎన్కనిప్ల విజయంతో ఇదే అదనుగా జాతీయస్థాయిలో లబ్ది పొందటానికి ఇలా చేస్తూండవచ్చు. రేపటి లోక్సభ ఎన్నికలలో లబ్ది పొందటానికి చూపే ఆసక్తి, ఆయనకి డిల్లిలో ఓట్లు వేసిన వారిపైన లేకపోవటం శోచనీయం.
ఒక వేళ కెజ్రివాల్ అధికారంలో కి వచ్చినా, అదేమి గొప్ప ప్రభుత్వం అందించ జాలదని చెప్పవచ్చు. కారణం ఆయన పార్టి ని బలపరిచే వారిలో లిబరల్ ఆర్ధిక విధానాలకన్నా, సోషలిస్ట్ విధానాలను బలపరచే ప్రశాంత్ భూషణ్ , డాక్టర్ లు మొదలైన వారిని చూస్తే, ఆపార్టి లో అవినితి మీద యుద్దం చేసే వారు , నీతులు, నియమాలు గురిమిచి ఎక్కువగా మాట్లాడే వారు తప్పించి, సంపద సృష్టించటానికి విధానాలు తయారు చేయగలవారు ఉన్నట్లు కనపడటం లేదు . ఇటువంటి team మధ్య తరగతిని కొన్ని రోజులు ఆకట్టుకోగలదే గాని, రోజుకు పదివేలకి పైగా డిల్లి కి ఉద్యోగాల కోసం వచ్చే, పేద ఉత్తర భారతదేశ ప్రజలకు ఉపాధి చూపించటంలో విఫలం చెందినా ఆశ్చర్యపోనవసరంలేదు.

రుద్ర కొట్టు said...

సుజాత గారు, లోక్సత్తా పార్టీ పై మీరిచ్చిన వివరణ ఎంతో వివరంగా ఉంది. మీ బ్లాగ్ పోస్ట్ చూసైనా జయప్రకాశ్ గారు ఒకింత పార్టీ విధి విధానాలను మార్చుకొని 'ఆమ్ ఆద్మీ' పార్టీని విమర్శించడం మానేసి నేర్చుకొంటారని ఆశిద్దాం. జయప్రకాశ్ గారు మంచి ఆలోచనా పరులుకాని, పార్టీని నడిపే సత్తా లేదు . ఎందుకంటే మీరన్నట్లు ఒక మనిషితో ఏ పార్టీ నడవదు.. అదే లోక్ సత్తా లో ఉన్న లోపం.

సుజాత said...

శ్రీరాం గారూ, ఆం ఆద్మీ పార్టీ కార్య కలాపాలను జాగ్రత్త గా పరిశీలిస్తున్నందుకు అభినందనలు! కొండముది గారు తన వ్యాసం లో భాగన్ని ఇక్కడ ఇచ్చారనే దానిపై స్పందించాను తప్ప AAP భవిష్యత్తులో ఎలా ఉండబోతుంది, ఏమి చేయబోతుంది, ప్రభుత్వాన్ని ఏర్పరుస్తుందా లేదా? ఇతర పార్టీల మద్దతు ఎందుకు తీసుకోదు, ఇవన్నీ చర్చించిన టపా కాదిది!

లోక్ సత్తా గురించి మీరొక్క ముక్కా రాయలేదు. ఆమ్ ఆద్మీ పార్టీ ఫ్యూచర్ లో ఏమి చేస్తుందో ఎలా చేస్తుందో వేచి చూసి, ఫలితాలు లేక పోతే "మరి అన్ని డాంబికాలు పలికారేం అప్పుడు?" అని మరో టపా రాసేస్తాను అప్పుడు. సరిగా లేని వారినెవరినైనా ప్రశించాల్సిందే అని జేపీ యే చెప్తారు. అందుకే లోక్ సత్తానే ప్రశ్నిస్తున్నాను.

ఆమ్ ఆద్మీ పార్టీ వెళ్ళినంత చొరవగా , ఉత్సాహంగా, శ్రద్ధగా లోక్ సత్తా జనం లోకి ఎందుకు వెళ్లలేదు, జనాల్లోకి ఎందుకు చేరలేదు. అవినీతి మీద ఇతర సమస్యల మీద పోరాడే పారీ అని జనం గుర్తించినా సామాన్యుల ఆదరణ లోక్ సత్తాకి ఎందుకు కరువైంది? ఈ విషయం మీద మీరేమంటారో తెలుసుకోవాలని ఉంది !

బిజెపి, కాంగ్రెస్ ల అవినీతి బట్టబయలే! అది ప్రజల్లో చాటడానికి కేజ్రీవాల్ రానక్కర్లేదు. కానీ చీపురు గుర్తు ఎన్నుకోవడం నుంచీ అవినీతి మీద తాము పోరాడి తీరతామనే భరోసాని ఢిల్లీ ప్రజల్లో కల్గించాడు.

ఆ పార్టీ లో నీతులు మాట్లాడే వాళ్ళు ఉన్నట్లో లోక్ సత్తాలో కూడా అద్భుతమైన ప్రసంగాలు చేయగల వారు ఉన్నారు. ప్రాక్టికల్ గా ఏమీ సాధ్యం కానివి. రెండు రోజుల క్రితమే జేపీ అంటున్నారు ______తెలంగాణా పెద్ద సమస్యే కాదని, ఇరు పక్షాల వారికీ ఆమోద కరంగా దాన్ని పరిష్కరించడం సాధ్యమే అని! దాని వైపుగా ఏ కృషీ చేసినట్లు కనిపించదు. ప్రెస్ ముందు మాట్లాడ్డం తప్ప. కొద్దో గొప్పో చేయాలని ప్రయత్నించారేమో ..అది ఎవరికీ తెలీదు. ఎందుకంటే వీళ్లకు మీడియా కూడా అక్కర్లేదు, ప్రచారం చేసుకోడం అసలే రాదు

శ్రీరాం గారూ, ఆం ఆద్మీ పార్టీ కార్య కలాపాలను జాగ్రత్త గా పరిశీలిస్తున్నందుకు అభినందనలు! కొండముది గారు తన వ్యాసం లో భాగన్ని ఇక్కడ ఇచ్చారనే దానిపై స్పందించాను తప్ప AAP భవిష్యత్తులో ఎలా ఉండబోతుంది, ఏమి చేయబోతుంది, ప్రభుత్వాన్ని ఏర్పరుస్తుందా లేదా? ఇతర పార్టీల మద్దతు ఎందుకు తీసుకోదు, ఇవన్నీ చర్చించిన టపా కాదిది!

లోక్ సత్తా గురించి మీరొక్క ముక్కా రాయలేదు. ఆమ్ ఆద్మీ పార్టీ ఫ్యూచర్ లో ఏమి చేస్తుందో ఎలా చేస్తుందో వేచి చూసి, ఫలితాలు లేక పోతే "మరి అన్ని డాంబికాలు పలికారేం అప్పుడు?" అని మరో టపా రాసేస్తాను అప్పుడు. సరిగా లేని వారినెవరినైనా ప్రశించాల్సిందే అని జేపీ యే చెప్తారు. అందుకే లోక్ సత్తానే ప్రశ్నిస్తున్నాను.


ఆమ్ ఆద్మీ పార్టీ వైఖరి మీద నేనిప్పుడే ఏమీ వ్యాఖ్యానించ దల్చుకోలేదు. కొన్నాళ్ళు ప్రతిపక్షంలో కూచున్నాక, ప్రజా సమస్యల మీద ఎలా పోరాడతారో చూడాలి. పోరాట వైఖరే ఆయుధంగా మొదటి సారి ఇన్ని సీట్లు గెల్చిన పార్టీ అధికారంలో కంటే ప్రతి పక్షంలో ఉండటమే కరెక్ట్ కూడా! ఏ మాత్రం పోరాడతారో చూడొచ్చు.

సుజాత said...

రుద్ర గారూ,

ఆమ్ ఆద్మీ పార్టీ నుంచి లోక్ సత్తా అర్జెంట్ గా నేర్చుకోవలసింది జనాల్లోకి వెళ్ళడం, సామాన్యులను చేరడం. ఇవే

ధన్యవాదాలు

bonagiri said...

సాయికిరణ్ గారి వ్యాసం, మీ స్పందన బాగున్నాయి.
BJP మంచిదా, AAP మంచిదా అన్న విషయంలో ఢిల్లీ యువత స్పష్టంగా ఉన్నారు. వాళ్ళకి ముఖ్యమంత్రిగా కేజ్రీవాల్ కావాలి. ప్రధానమంత్రిగా మోదీ కావాలి. కాని మధ్యవయస్కులు BJPకి ఎక్కువగా ఓట్లు వెయ్యడంవల్ల ఆ పార్టీకి ఎక్కువ సీట్లు వచ్చాయి.
అందుకే BJP రాష్ట్రంలో అధికారం కోసం ప్రాకులాడటంలేదు. లోక్‌సభ ఎన్నికలలో AAP గెలవదు. BJPయే గెలుస్తుంది.

కొండముది సాయికిరణ్ కుమార్ said...

నా వ్యాసం మీద అభిప్రాయం కాదు కాబట్టి మీ వ్యాసం గురించే మాట్లాడదాం! మీ వ్యాసం పూర్తిగా భాజపాని వెనకేసుకొస్తూ, AAP ని ఎండగట్టటం మీదే సాగినట్లుగా ఉంది!
***
సుజాత గారు - నేను ఎవరినీ వెనకేసుకు రావటంలేదు. ఆమ్ఆద్మీ పార్టీని ఎండగట్టనూ లేదు. ఎండగట్టాలనుకున్నది కాంగ్రెస్ ప్రోద్బలంతో జాతీయ మీడియా చేస్తున్న ప్రచారాన్ని. ఆమ్ఆద్మీ పార్టీ 28 సీట్లు గెలుచుకోవటం ఆసామాన్యమైన విషయమే. కాని అద్భుత విజయం మాత్రం కాదు. 9 నెలలలో దశాబ్దాలుగా ఆంధ్రాని పాలించిన కాంగ్రెస్ ను కూకటివేళ్ళతో పెకిలించి ప్రభుత్వాన్ని ఏర్పాటు చేసిన ఎన్‌టీఆర్ మనకు తెలుసు. బెంగాల్‌లో పాతుకుపోయిన కమ్యూనిస్టులని మట్టికరిపించిన మమతా బెనర్జీ మనకు తెలుసు. ఆయా బెంచ్ మార్కులతో పోలిస్తే, ఆమ్ఆద్మీ పార్టీ విజయం అద్భుతం కానే కాదు. అయినా, ఆ పార్టీ విజయాన్ని ఎక్కువ చేసి చూపించటం చాలా విచిత్రంగా కనిపిస్తున్నది.
***
మోడీ గుజరాత్ లో అభివృద్ధి మంత్రాన్ని పఠించి ఎంతో కొంత చేసి ఉండొచ్చు. కానీ ఇప్పుడు వీస్తున్న ఆయన గాలికి మాత్రం అది కారణం కాదన్నది బహిరంగ రహస్యమే!................ అభివృద్ధిని చూపి కాక మత వాది అయిన ఒక వ్యక్తిని చూపించి ఓట్లు రాల్చుకోడం ఏ విధం గా కరెక్టో ఆ పార్టీయే చెప్పాలి!
***
ఇంతవరకూ నేను విన్న ప్రసంగాలలో మతాన్ని బూచిగా చూపించే ప్రయత్నం మోడీ చేయలేదు. 2002 నాటి గుజరాత్ అల్లర్లనే ప్రమాణంగా ఆయన్ని మతవాదిగా ముద్ర వేసే ప్రయత్నాలే కాంగ్రెస్ దన్నుతో మీడియా కూడా చేస్తున్నదనేది అక్షర సత్యం. అదే మీడియా, ఎన్నికల సందర్భంలో సిక్కుల ఊచకోతను ఏనాడూ ప్రస్తావించదు. No one is a holy cow!
***
ఢిల్లీ లో మాత్రమే పోటీ చేసిన AAP స్థానిక సమస్యల మీద దృష్టి పెట్టడంలో తప్పేమిటి? ప్రాంతాన్ని బట్టి అక్కడి సమస్యలను బట్టి 30,40 మానిఫెస్టోలని తయారు చేసుకోడాన్ని నేనైతే సృజనాత్మక ఆలోచనగా స్వాగతిస్తున్నాను.
***
ఆమ్ఆద్మీ పార్టీ 30-40 మానిఫెస్టోలు చేయటం తప్పు అని నేను అనలేదే! కేవలం స్థానిక సమస్యల మీద మాత్రమే తమ విధానాన్ని ప్రకటించిన ఓ పార్టీని జాతీయ పార్టీలకు ప్రత్యామ్నాయంగా మీడియా చేస్తున్న ప్రచారం సమంజసం కాదంటున్నాను.
***
నాకొకటి అవగతం కావట్లేదు. ఎంతో కొంత మంచి బాక్ గ్రౌండ్ ఉండి, ఏదో ఒకటి చేద్దామనే ఆదర్శాలతో , కాస్త ఎక్కువైన ఆవేశంతో ఎవరైనా ముందుకొస్తే వాళ్ళేమి చేస్తారో చూడకుండానే "ఏమి చేస్తారో ముందు చెప్పలేదు కాబట్టి" వాళ్ళు పనికి రారు అని నిర్థారించడం సబబేనా? జాతీయ స్థాయిలో యాక్టివ్ అయ్యాక AAP జాతీయ విధానాలపై విధి విధానానలు ప్రకటిస్తుందని ఎదురు చూడలేమా?
***
Precisely, this is what I am also saying. అప్పటిదాకా వేచి ఉండకుండా, ఇప్పటికిప్పుడు ఆమ్ఆద్మీ పార్టీని మీడియా మోయాలనుకోవటంలో మర్మమేమిటి?

సుజాత said...

సాయి కిరణ్ గారూ, మీ వ్యాసం మీద నా అభిప్రాయం మీదే మళ్ళీ మాట్లాడారు మీరు! లోక్ సత్తా గురించి (అసలు వ్యాసం) ఒక్క మాటా మాట్లాడలేదు :-))

సరే, మీ అభిప్రాయం మీదే నేనూ మాట్లాడతాను. NTR గెలుపునీ ఆం ఆద్మీ గెలుపునీ ఎలా పోలుస్తామండీ. అన్ని సినిమాల బాక్ గ్రౌండ్ లేక పోతే ఏ రాజకీయ చాతుర్యంతో, ఏ సేవా నేపథ్యంతో ఆయన గెలిచే వాడంటారు?

మొడీ మత ప్రసంగాలు చేయక పోవచ్చు.(నేనూ ఆయన అభివృద్ధి ప్రసంగాలే విన్నాలెండి).ఆ స్థాయిలో ఉన్న వ్యక్తి, కాబోయే ప్రధానిగా ముద్ర పడ్డ వ్యక్తీ డైరెక్ట్ గా మతం బూచిని చూపే తెలివి తక్కువ ప్రయత్నాలు చేస్తాడని ఎవరు మాత్రం అనుకుంటారు? ఇక కాంగ్రెస్ ని హోలీ కౌ అంటే నాకు బ్రహ్మ హత్యా పాతకం, ఇంకా ఏవైనా పాతకాలుంటే అవీ మూకుమ్మడిగా చుట్టుకుంటాయి:-)) కాంగ్రెస్ బీజేపీ దొందూ దొందే ఈ విషయంలో!

మీడియా అత్యత్సాహం విషానికొస్తే... ఇవాళ మీడియా అతి చేయని అంశాన్ని ఒక్కటి చూపించండి. రాయల తెలంగాణా ఇచ్చేసారంటూ ఎంత ఊదర గొట్టాయి నిన్న మొన్నటి వరకూ! మీడియా ఎంత దిగజారి పోవడంతో ఆగక ప్రజాభిప్రాయాన్ని ప్రతిబింబించడానికి బదులుగా, దాన్ని సృష్టిస్తోంది. పదే పదే ఒక విషయాన్ని ఊదరగొట్టి బ్రాహ్మడు నల్ల మేక కథలోలోగా ప్రజల్లో తాము అనుకున్న భావాన్ని నాటడంలో మీడియా సఫలం అవుతోంది. ఇది దేశ వినాశనానికి దారి తీయడం తథ్యమే!

స్థానిక ప్రభుత్వమే గురిగా బయలు దేరిన పార్టీ ఇంకా జాతీయ స్థాయిలో అడుగులు వేయడం మొదలు కూడా పెట్టకుండానే మీడియా ఇంత ప్రచారం ఇవ్వడం సమజసం కాదనే అనిపిస్తోంది. సాధించిన విజయాన్ని వాళ్ళు ఏ విధంగా సద్వినియోగం చేస్తారో చూడాల్సిన బాధ్యత అందరి మీదా ఉంది.


ప్రతి చానెలూ ఏదో ఒక పార్టీకి కొమ్ము కాస్తున్న నేపథ్యంలో ఆమ్ ఆద్మీ పార్టీని ఇంతగా మోస్తున్న సందర్భంలో వాటి చిత్త శుద్ధిని అనుమానించక తప్పని పరిస్థితి ఏర్పడుతుంది. కేవలం నిజాయితీ గల పార్టీకి మద్దతుగా మీడియా చానెల్స్ ఇంత ప్రచారం ఇస్తున్నాయంటే కూడా వాటిని అనుమానించాల్సిన స్థితికి అవి చేరుకున్నాయి.

సుజాత said...

బోన్ గిరి గారూ,

అవును, ఢిల్లీ ప్రజల్లో, ముఖ్యంగా యువతలో పార్టీల పట్ల స్పష్టత చాలా ఉంది. లోక్ సభ ఎన్నికల్లో కూడా మీరన్న మాటఓనే ఏకీభవిస్తున్నాను. బీజేపీకే అవకాశాలు ఎక్కువ ఉన్నాయనిపిస్తోంది

కొండముది సాయికిరణ్ కుమార్ said...

మీ వ్యాసం మీద :

నా వరకూ లోక్‌సత్తా మీద పెద్ద ఆశలు ఇప్పుడు ఏమీ లేవండి. మొదట్లో సానుకూల దృక్ఫధంతో ఉన్నా, రానూ రానూ ఆ పార్టీకి మిగతా పార్టీలకు నాకు తేడా కనిపించటం లేదు. అలా నేను ప్రభావితం కావటానికి దోహదపడిన ఓ అంశం చెబుతాను. ఆ పార్టీ పెట్టిన మొదట్లో ఆ పార్టీ బ్యానర్ మీద జస్ట్ ఒక లోగో ఉండేది. కొన్నాళ్ళకు ఓ పక్క గాంధీ బొమ్మ ఎక్కించారు. ఆ తర్వాత కొన్నాళ్ళకు అంబేడ్కర్ బొమ్మ ఎక్కించారు. గాంధీ, అంబేడ్కర్‌ల ఆశయాలు వల్లించే పార్టీలు మనకు ఆల్రెడీ ఉన్నాయి, కాబట్టి నాకు లోక్‌సత్తా అవసరం లేదని అనిపించింది. అంతే కాకుండా, పార్టీ పెట్టిన కొత్తల్లో తనదో డిఫరెంట్ పార్టీగ చెప్పుకొని, ఎవరితోనూ ఎన్నికల ఒప్పందాలు చేసుకోమని చెప్పిన పెద్ద మనిషి, ఆ తర్వాతి ఎన్నికల్లో తాను సీట్ల సర్దుబాటుకు సిద్ధం అని కూడా ప్రకటించారు. సర్దుబాట్లకోసం ఏ పార్టీ కలవలేదనేది వేరే విషయం. బహుశా, ఇటువంటి కారణాలతోనే తాను స్వచ్ఛమని చెప్పుకోలేదు లోక్‌సత్తా.

లోక్‌సత్తా ఆంధ్రలో ఆమ్ఆద్మీ తరహాలో ఉద్యమం తెచ్చే పరిస్థితులు లేవు. ఎందుకంటే, నాయకుడు మేధావే అయినా, జనసామాన్యానికి ఇన్‌స్పిరేషన్ కలిగించేవాడు కాదు. దానికితోడు, ఇప్పటి పరిస్థితుల్లో తెలంగాణాలాంటి అంశాల మీద ఓ స్టాండ్ తీసుకొని ఇరువైపుల వారికి సర్దిచెప్పగలిగే నాయకత్వ లక్షణాలు జె.పీ.కే కాదు, ఎవరికీ లేదు. ఆమాటకొస్తే, ఆంధ్రాలో లోక్‌సత్తా స్థానంలో ఆమ్ఆద్మీ వచ్చి ఉన్నా కూడా ఏమీ చేయగలిగి ఉండేది కాదు.

మీరు ప్రస్తావించిన ద్వితీయ నాయకత్వ శ్రేణి ఆమ్ఆద్మీ పార్టీలో కూడా లేదు. ఏదేమైనా, నాయకుడికి ఓ తెగింపు ఉండాలి. అది ఉంది కాబట్టే, ప్రజల మన్ననలు పొందగలిగింది ఆమ్ఆద్మి. ఆ తెగింపు లోక్‌సత్త అధినేతలో లేదు. తనకు వ్యతిరేకంగా కాంగ్రెస్ కేసులు బనాయించాలని చూసినా, అదే తెగింపు చూపించాడు అరవింద్ కేజ్రీవాల్. జె.పీ.గారు ఆ తెగింపు బహుశ చూపించలేని పరిస్థితుల్లో ఉండి ఉంటారు.

కొండముది సాయికిరణ్ కుమార్ said...

నా కామెంటుకు మీ స్పందన మీద ఈ ప్రతిస్పందన :
ఎన్‌టీఆర్ గెలుపు ఆమ్ఆద్మీ గెలుపుతో చక్కగా పోల్చుకోవచ్చు. ఈరోజు అవినీతిని అంశంగా ఎలా చేసారో, ఆనాడు తెలుగువారి ఆత్మగౌరవ నినాదం అలా పనిచేసింది. సినీ నటుడుగా ఎన్‌టీఆర్ ఇమేజి మొదటి మెట్టు ఎక్కటానికే ఉపయోగపడింది. అంటే, పార్టీ పెట్టటం, క్యాడర్ ఏర్పాటు చేసుకోవటం వరకు. తానే ఓ ఉద్యమమై, తొమ్మిది నెలలపాటు దాదాపు రాష్ట్రమంతా మారుమూల గ్రామాలు కూడా వదలకుండా పర్యటించాడు. సినీ ఇమేజు మీదే ఓట్లు రాలతాయనుకొని ఉంటే, అంతలా చెమటోడుస్తూ రాష్ట్రమంతా పరుగులెత్తాల్సిన అవసరం ఆయనకు ఉండేది కాదు. సామాన్యులని రాత్రికి రాత్రి లీడర్లను చేసినా, వాళ్ళని గెలిపించుకున్నా, ఆ ఘనత ఆయనకే దక్కుతుంది. ప్రజలు ఆయన ఉపన్యాసాలకు ఉత్తేజితులై కాంగ్రెస్‌కు వ్యతిరేకంగా ఓటు వేసారు కానీ, ఆయన్ సినీ ఇమేజి చూసి కాదని నా అభిప్రాయం. ఇంకా చెప్పుకోవాలంటే, ఈరోజు ఉన్నటువంటి దుస్థితిలో కాంగ్రెస్ ఆనాడు లేదు.

క్రిష్ణ said...

లోక్‌సత్తా ద్వితీయ కేడర్ ను పోగు చేసుకోలేకపోవటం, JP కాంగీ తో జతకట్టాడేమోనన్న అనుమానం జనాలకు కలగటం, జనాలలోకి చొచ్చుకు పోలేకపోవటం, అంతేకాక ముందు పట్టణ ప్రాంతాలలో మాత్రమే అవసరమయితే కేవలం కార్పోరేషన్ ఎన్నికలలో మాత్రమే selective గా పోటీ చేసి, ఆ తరువాత అసెంబ్లీకి పోటీ చేయటం లాంటివి చేయకపోవటం వలన దానిని AAP ని మాత్రం పోల్చలేము.
అంతేకాక లోక్ సత్తా పెట్టినప్పుడు కేడర్ చాలావరకు, అది రాజకీయ పార్టీ గా అవతరించటం ఇష్టం లేక దూరమయ్యారు అన్నది కూడా గమనిచాల్సిన విషయం.


JP కి పల్లె వాసుల కష్టాలు తెలియవు అనటం, తాను ఏమీ చేయలేదు అనటం మాత్రం నేను అంగీకరించలేను. ఎందుకంటె తాను ప్రకాశం కలెక్టర్ గా రైతులకు ఏమి చేసింది, వాళ్లతో ఎలా మమేకమయ్యింది, ఆ రోజులలొనే 1980 లలో ఎత్తిపోతకల పథకాలు గుండ్లకమ్మ మీద ఎలా implement చేసినది నాకు తెలుసు కాబట్టి. కాకపోతే వ్యక్తిగతం గా అధికారం లో ఉండి నిజాయితీ గా మంచి పనులు చేయటం వేరు, ఓ రాజకీయనాయకుడు గా, ప్రజలకు నాయకత్వం వహించటం వేరు!!.

ఇక NTR విజయాన్ని కచ్చితం గా AAP తో పోల్చటమే కాదు, AAP కంటే ఇంకా ఘన విజయమని చెప్పవచ్చు. తాను ప్రజలతో మమేకం అవటం వలనే 1983 లో అధికారం లోకి వచ్చాడు కాని, ఓ అభిమాన నటుడు కావటం వలన మాత్రం కాదు. అంతె స్థాయిలో అభిమాననటుడు గా ఉన్న చిరు జీవి గారి పార్టీ ఏమయిందో గమనిస్తే ఆ విషయం తెలుస్తుంది. అలాగే ఆ రోజులలో కాంగీ కి ఇప్పటికంటే బలమయిన కేడర్, నాయకత్వం (చెన్నారెడ్డి, జలగం, కాసు, ఆచార్య రంగా లాంటి) ఉండటం తో పాటు, ఇందిరాగాంధి వెన్నుదన్ను ,ఎంతకయినా తెంగించే తెంపరితనం ఉన్న పరిస్థితులలో ఎవరో ఊరు పేరు లేని విద్యావంతులను తీసుకొచ్చి, వాళ్ళను గెలిపిచుకోవటం అంటె మాటలు కాదు.

కొన్నిచోట్ల అయితే, గెలిచిన TDP MLA లు గెలిచిన వెంటనే భయపడి దాక్కున్న పరిస్థితులు, కాంగీ వాళ్ళ బలం అంత ఉన్న పరిస్థితులు ఆ రోజులు.

అ గెలుపుకు కారణం, NTR 8 నెలలు పైగా ప్రజలమధ్యన గడపటం, రోడ్డు ప్రక్కనే స్నానాలు చేయటం, బంకులలో టీ లు త్రాగటం, అన్నిటికి కంటే కాంగీ వాళ్ళ రౌడీ యిజానికి, అధికారానికి భయపడకుండా తెగింపు చూపగలగటం, దానిని ప్రజలు నమ్మటమ్. .

తనకు 1983 లో బలం గా ఉన్న కమ్యూనిస్ట్లు కాని, జనతాదళ్ లాంటి వారుకూడా ఎవ్వరూ సప్పొర్ట్ చేయక పోగా, అవహేళన చేసారు అన్నది నిజం.

ఇప్పుడు చెప్పండి ntr గెలుపుని aap గెలుపు తో పోల్చవచ్చో లెదో!!

అనిల్ రెడ్డి said...

అన్నీ బాగానే వున్నాయి కాని లోక్ సత్తా లో ద్వితీయ శ్రేణి నాయకులు లేరని నేననుకోవటంలేదు. వున్నారు కాని ప్రజలకు దెగ్గరకలేకపోతున్నారేమో అనిపిస్తుంది.

సుజాత said...

సాయి కిరణ్ గారూ, వారాంతం కొంత బిజీగా ఉండటం వల్ల వెంటనే స్పందించ లేక పోయాను!

ఎంటీ ఆర్ గెలుపు మీద మీ వివరణతో ఏకీభవించక తప్పడం లేదు. మీరు చెప్పిన కారణాలే కాక ఆయన సామాజిక వర్గాన్ని కూడ గట్టడం లో కూడా ఆయన సఫలీకృతుడయ్యాడనేది వాస్తవం!

లోక్ సత్తా మీద మీ అభిప్రాయం కూడా కరెక్టే!తెలంగాణ వంటి అంశం మీద ఏ స్టాండూ లేకుండా , ఇటువంటి క్లిష్ట పరిస్థితుల్లో కూడా "అదేమంత పెద్ద సమస్య కాదు, రెండు రాష్ట్రాల మధ్యా సరి హద్దు ఒకటి ఏర్పడుతుందంతే, కావాలంటే ఇద్దరినీ కూచోబెట్టి మాట్లాడితే సమస్య పరిష్కారం అవుతుంది"అని చెప్పడం చూస్తుంటే వీళ్ళు ఆంధ్రా రాజకీయాలని ఏ దృష్టితో చుస్తున్నారో అర్థం కాదు. ద్వితీయ శ్రేణి నాయకత్వం ఆమ్ పార్టీ లో ఏర్పడాల్సిన అవసరం ఉంది. కేజ్రీవాల్ కి ప్రత్యామ్నాయం ఒకరు ఉండి తీరాల్సిందే

సుజాత said...

క్రిష్ణ గారూ,
లోక్ సత్తా ఒక సంస్థ గా ఉన్నవారు పార్టీగా అవతరించనపుడు పార్టీలో చేరాలనే నిబంధన ఏమీ లేదు. అందువల్ల వారు సంస్థకు దూరమయ్యారేమో కానీ పార్టీలో చేరి ఆ తర్వాత దూరం కాలేదు.

మొదటి నుంచీ కేడర్ ని నిర్మించుకోవడంలో, ఉన్న కేడర్ లో సమర్థులైన యువకుల్ని వినియోగించుకోవడం లో లోక్ సత్తా మొదటి నుంచీ ఇప్పటి వరకూ కూడా అలక్ష్య ధోరణి కనబరుస్తూనే ఉంది.కొత్త కొత్త ఆలోచనల్ని యూత్ నుంచి స్వాగతించరు.

ఇక జేపీ ఏమి చేశాడనే ప్రశ్న రాగానే ఆయన ప్రకాశం జిల్లా కలెక్టర్ గా ఉన్నప్పటి చరిత్ర తప్ప ఇంకేమీ చెప్పుకోలేమా? పల్లె వాసుల కష్టాలు తెలిస్తే చాలదు కదా, పట్టణాల్లో ఉన్న మురికి వాడల్లో పల్లెలకు భిన్నమైన కష్టాలు ఉంటాయి. వారి జోలికి లోక్ సత్తా ఎన్నడూ వెళ్ళి వారికి ఏ విషయంలోనూ భరోసా కల్గించిన దాఖలాలు కనిపించవు. అటు మధ్య తరగతి వారి సానుభూతి తప్ప ఓట్లు సంపాదించే మార్గం అన్వేషించరు. ఒక బ్యూరోక్రాట్ గా ఉండి ప్రజల్ని చైతన్య వంతం చేసిన వాడు ఇవాళ రాజకీయ పార్టీ నాయకుడిగా ఎందుకు వెనకడుగు వేయాలి? ఎన్నాళ్ళయినా ఇంకా బ్యూరోక్రాట్ లాగే మాట్లాడుతూ స్టేట్మెంట్స్ ఇస్తూ ఉంటానంటే ఎలాగ?

అధికారంలో ఉండి ప్రకాశం జిల్లా ప్రజలకు చేసిన దాంట్లో ఆవగింజంత అయినా ప్రజా ప్రతినిధిగా కుకట్ పల్లి నియోజక వర్గానికి ఏమైనా చేశారో లేదో ఆ నియోజక వర్గ ప్రజలు చెప్పాల్సిందే!

సుజాత said...

అనిల్ రెడ్డి గారూ,
ద్వితీయ శ్రేణి నాయకత్వం అంటే ఒకరిద్దరు కాదండీ, ప్రతి నియోజక వర్గంలోనూ బలమైన నాయకత్వం ఉండాలి. కేడర్ ని సమర్థ వంతంగా పని చేయించగల లీడర్ షిప్ క్వాలిటీస్ ఉన్న వాళ్ళు కావాలి. కటారి శ్రీనివాస్ గారు తప్ప జేపీ తర్వాత పెద్దగా మరొకరి పేరు వినపడనే పడదు.

శ్రీకాంత్ చారి said...

కేజ్రీవాల్ గెలుపోటముల భయం లేకుండా షీలా దీక్షిత్ పైనే పోటీ చేశాడు.
జేపీ కూకట్‌పల్లీ నే ఎంచుకున్నాడు, అదీ TDPతో మ్యాచ్ ఫిక్షింగ్ చేసుకుని.

కేజ్రీవాల్‌కి సమస్యల పరిష్కారాలపై స్పష్టత వుంది.
జేపీకి సమస్యలను విష్లేశించడం తప్ప స్పష్టమైన పరిష్కారం చూపడం రాదు.

కేజ్రివాల్ ప్రజల్లో తిరిగాడు.
జేపీ కార్యాయలాయాల్లో, కాన్ఫరెన్సుల్లో తిరుగుతాడు.

కేజ్రీవాల్ తెలంగాణా ఏర్పాటును బలపరిచి స్పష్టమైన స్టాండ్ తీసుకున్నాడు.
జేపీ తెలంగాణా విషయంలో దిశానిర్దేడం చేయడానికి బదులు పూర్తి గందరగోళంలో పడిపోయాడు.

కేజ్రీవాల్ రాజకీయాన్ని మార్చడానికి ప్రయత్నించాడు.
జేపీ ఇదే రాజకీయంలో వుంటూ మార్పులు తీసుకు రావాలని భావించాడు (సఫలం కాలేదు).

Abhimani said...

Sujata garu,

To your comment reg. NTR's success with his community, I beg to differ. His community did not entirely support him (you could look at the leaders in Congress, CPM, JNP during those days. Many landlords from his community were with Congress, due to obvious reasons). And anyways, his community was only effective in a couple of districts then. I was part of some of his campaigns, during his tours. Per my understanding, support for him mostly came from Kapu (particularly in Godavari Dts.) and BC communities. Most of the current famous leaders of these communities were political newbies from NTR's party then. As someone mentioned above, NTR's success during that time is a much bigger success than AAP's now. Anyone who was a witness to those times would vouch for this.

Anyways, this discussion is about AAP, so please consider this as a distraction :)

Abhimani

Vasu said...


కులం,మతం,హీరో వర్షిప్, sycophancy తో మనకి ఢిల్లీ వాళ్ళకి చాలా తేడా ఉంది.

పోల్చడం కూడా కరెక్ట్ కాదు. ఢిల్లీ లో AAP కంటే ప్రజల వివేకాన్ని మెచ్చుకోవాలి

AAP సౌత్ లో అందునా మన రాష్ట్రం లో నిలబడి ఉంటే లోక్ సత్తా పరిస్థితి కంటే భిన్నంగా ఏమీ ఉండేది కాదు


నాకైతే లోక్ సత్తా నేర్చుకునే వాటికంటే ఆంధ్ర ప్రదేశ్ ప్రజలు తెలుసుకోవాల్సినవి ఎక్కువ కనిపిస్తున్నాయి

అన్ని బానే ఉన్నాయి కానీ గెలుస్తుందో లేదో నా వోట్ వేస్ట్ అవుతుంది అనేవాళ్ళని చూసి ఏమనాలి

చదువుకున్న వాళ్ళు కూడా కులం ఆధారంగా పార్టీలకి నాయకులకి జై కొడితే ఇంకేం చెప్పాలి

వాడు ఎంత తిన్న పర్లేదు నాకు కొంత పడేస్తే చాలు అనుకునేవాళ్ళకి ఏం చెప్పాలి ?

మీడియా కూడా పెద్ద పాత్రే పోషించింది అనుకుంటున్నా AAP విజయం లో

ఇక్కడ కూకట్ పల్లీ లో ఏం చేసారు అని కార్యకర్తగా పని చేసిన మీకు కూడా తెలియలేదు అంటే లోక్ సత్తా ని ఇంతా బాగా కవర్ చేస్తోంది మీడియా తెలుస్తూనే ఉంది.

బహుశా ఆ విషయం లో లోక్ సత్తా ఇంకా విస్తృతంగా ప్రయత్నించాలి.

కూకట్ పల్లీ లో చేసిన development details ఇక్కడ

http://kukatpallynow.com/

సుజాత said...

వాసు గారూ,

ప్రజలు నేర్చుకోవలసినవి ఆంధ్ర ప్రదేశ్ లోనే కాదు, దేశ వ్యాప్తంగా ఎప్పుడూ ఉంటుంది. వివేక వంతంగా ఆలోచించడం, సరైన ప్రతినిధిని ఎన్నుకోవడం అనే బాధ్యతలని దాదాపుగా దేశ ప్రజలు అరుదుగానే నిర్వర్తిస్తూ కనిపిస్తారు. వారికి సరైన ప్రత్యామ్నాయం లేక పోవడం ఒక పెద్ద కారణం. అలాటి ప్రజలు ఢిల్లీలో కూడా తక్కువేమీ లేరు. అవతల పార్టీలకు వచ్చిన సీట్ల సంఖ్య కూడా చూడండి మరి! అటువంటి పరిస్థితిలో "నిజాయితీగా పని చేస్తాం" అనే నమ్మకాన్ని ప్రజల్లో ఆమ్ ఆద్మీ పార్టీ ఎలా స్థాపించగలిగింది? అంత ఉధృతంగా ఎలా ముందుకు ఒక్క ఏడాదిలో పోగలిగింది అనేదే ప్రశ్న! అంత ఉదృతం గా లోక్ సత్తా ఏ నాడూ ఎగసి పడలేదని పరిశీలిస్తే తెలుస్తుంది.

లోక్ సత్తా వెబ్ సైటూ, ఇపుడు మీరు పంచిన వెబ్ సైటూ నాకు కొత్త కాదు. అయితే ఇలా సైట్లు వెదికి, లోక్ సత్తా ఆఫీసుకు వెళ్ళి కాకుండా , నియోజక వర్గం లోని ఒక స్లమ్ లో కి వెళ్లో ఒక సామాన్యమైన వోటర్ నో పట్టుకుని లోక్ సత్తా కార్య కలాపాలేమిటి అనో, జేపీ మీ నియోజక వర్గానికి ఏమి చేసారనో అడిగి చూడండి. మీడియా కవర్ చేయడం సంగతి అలా ఉంచి మీడియా దృష్టికి పార్టీ కార్య కలాపాలు తీసుకెళ్ళాలన్న దృష్టి పార్టీకే లేదు ముందు!

ప్రస్తుతం రాష్ట్రం ఉన్న పరిస్థితిలో ఆమ్ ఆద్మీ పార్టీ కూడా ఇక్కడ ఏమీ చేయలేదన్నది స్పష్టంగానే అంగీకరించాల్సిన విషయమే ! కానీ ఇలాటి పరిస్థితులు లేనప్పుడు కూడా లోక్ సత్తా విస్తృతంగా పని చేసి మీడియా దృష్టికి వెళ్ళే ప్రయత్నం చేయలేదు. గమనించండి

ఇక్కడ పోలిక "ప్రజల్లోకి ఎలా వెళ్లడం" అనే విషయం మీద మాత్రమే! టపా చివరి లైన్ చూడండి

సుజాత said...

#Abhimani# gaaru,

I was a kid when TDP was launched. As far as I know and I studied, in my own place community played a vital role in TDP victory. Ofcourse, other factors like vigorous tours of NTR, and తెలుగు వాడి ఆత్మ గౌరవం and the factors that Sai kiran garu stated above might have worked well too! When I was doing my journalism , I used to study old news papers to study the roots of political parties. Then I understood that cast and community played an important role.

Being (you) a participant in the campaign (as you said) I respect your opinion. And I agree that its not a good idea to compare both the victories..!

Ravi said...

Good one sujatha garu

శ్రీనివాస్ said...

నేను మీ టపా చాలా ఆలస్యంగా చూసాను..hope I am not kicking a dead horse.

మీ పోస్టు చూస్తే మీకు లోక్ సత్తా మీద ఆక్రోశమే (may be because of LS not reaching the expectations of educated, middle/upper-middle class people) ఎక్కువ ఉన్నట్లు అనిపిస్తోంది. లోక్ సత్తా వారు సామాజిక సంస్థగా ఎప్పటినుంచో ఉన్నా గత ఎన్నికలలో ఒకే ఒక్క స్థానంలో గెలవగలిగారు, (ఈసారి అదీ అనుమానమే!) ఆమ్ ఆద్మీ పార్టీ వారు పార్టీ పెట్టిన సంవత్సరంలోనే చాలా ఎక్కువ స్థానాలు గెలిచుకున్నారు, కాంగ్రెస్ తోడ్పాటుతో ప్రభుత్వాన్ని కూడా ఏర్పరచగలిగారు. అదే నిజమైన విజయం అనుకుంటే లోక్ సత్తా అలాంటి విజయం సాధించటం ఇప్పట్లో కుదరకపోవచ్చు. కానీ అధికారంలోకి రావడమే పరమావధి కావలసిన అవసరం లేదు. (" కావొచ్చు. కానీ ఏదో కొంతయినా సాధించాలంటే అధికారం చేతిలో ఉండాలి " అన్న మీ వాక్యం debatable అనుకుంటాను. JP నే తీసుకుంటే I think he had done more before he became MLA, we will have to see what AK does). అధికారంలోకి రాగలగడం వేరు, కొన్ని నిర్దిష్టమైన ఆశయాలతో రాజకీయాలలోకి/ అధికారం లోకి వచ్చి ఆ ఆశయాలను నెరవేర్చడం వేరు. ఈ రెండవదాంట్లో లోక్ సత్తా మొదటి అడుగుదగ్గరే పడుతూ లేస్తూ ఉంది, ఆమ్ ఆద్మీ పార్టీ ఏ దారిలో వెళుతుందో, ఎంత దూరం వెళుతుందో చూడాలి. ఆమ్ ఆద్మీ పార్టీ డిల్లీకి వెలుపల కూడా ఇలాంటి విజయాలు సాధిచగలుగుతుందో లేదో, డిల్లీలో కూడా ఎంతవరకు వారి వాగ్దానాలని నిలబెట్టుకోగలుగుతుందో, మరిముఖ్యంగా అవినీతిని ఎంత వరకు నిర్మూలించగలుగుతుందో వేచిచూడాలి. అదే చేయలేకపొతే అధికారంలోకి వచ్చి పెద్ద ఉపయోగం లేదు. Just another new party, అంతే!

JP సామాన్యుణ్ణి చేరుకోపోలేకపోయారన్నది కాదనలేని నిజం. కానీ ఆప్ పార్టీ ఎలా చేరుకొంది అనేది కూడా ముఖ్యమే కదా! డిల్లీ లో అదనంగా ఆప్ చేసింది కింది తరగతి వారినికూడా చేరుకోగలగడం - ఉచిత నీరు, కరెంటు సబ్సిడీ, కాంట్రాక్టు ఉద్యోగాలను రెగ్యులరైజ్ చేయడం, ముస్లింల మీద అక్రమకేసులు ఎత్తి వేయడం, regularization of unauthorized colonies - వంటి populist పధకాల ద్వారా! లోక్ సత్తా ఈ స్థాయిలో freebies చూపించలేదు, సామాన్యుణ్ణి అసలు చేరుకోలేదు (జగన్ ప్రజలకు చేసింది ఇంతవరకు ఏమీ లేకపోయినా గ్రామాలలో వై.యస్.ఆర్ పార్టీకి ఇంకా మద్దతు ఉందంటే ఇలాంటి వాటి వల్లే). ఇవ్వన్నీ ఎంతవరకు ఆచరణ సాధ్యమో, అసలు ఈ freebies దీర్ఘకాలం లో సమాజానికి ఎంతవరకు మంచివో, వీటన్నిటి మధ్య ప్రజలు విపరీతంగా ఆశ పెట్టుకున్న అవినీతి నిర్మూలనని ఆప్ ఎంతవరకు చేయగలుగుతుందో ముందుముందు చూడాలి. నితీశ్ కుమార్, నవీన్ పట్నాయక్ లు కూడా మొదటిసారి అధికారంలోకి వచ్చే ముందు ఇలాంటి మానిఫెస్టోలతోనే వచ్చారు, మొదట్లో మంచి పనులు చేసినా ఒక్కో అడుగూ క్రిందకు వేస్తూ కాలక్రమంలో మిగిలిన రాజకీయ పార్టీలతో కలిసిపోతున్నారు. ఆప్ కూడా అలాగే అవుతుందేమో అని నా భయం. దానికన్నా JPలా ఎప్పుడూ ఐడియల్సు మాట్లాడుతూ ఉండేవారే బెటరేమో, జనాలకు అర్థం అయినప్పుడే (if & when) వోట్లు వేస్తారు. అప్పటివరకు 'ప్రతీ ఎలక్షనుకీ ఒక కొత్త పార్టీ' నే గతి.

Narsimha said...

ఆప్ కి దండిగా కాంగిరేసు సపోర్ట్ వచ్చింది, ధనం కూడా విదేశాల నుండి వచింది ... డిల్లీ ఒక జిల్లా అంత చిన్నది... పైగా ఆప్ కి టముకు వేయడానికి ఇనుప రేకు డబ్బల మీడియా ఉంది ఆ మీడియాకి దండి గా విదేశీ ఆర్గనైజేషన్ల నుండి డబ్బు వచ్చింది .... పాపం జెపీ ని కులం కాటేస్తే ప్రచారానికి... పేద్ద రాష్ట్రం ముందు నిలబడింది... జేపీ ఒక్కడయిపోతే... ఆప్ కి ఎర్ర సంఘం గుమి గూడి తెల్ల రంగు టోపీ లో సహాయం చేసింది .. ఎందుకంటే ఎర్ర రంగులో వస్తే జనం చీత్కరిస్తారు కనుక, జేపీ కి టముకు వేయడానికి ఒక్క తెలుగు మీడీయా లేకపాయే అన్ని చానెళ్ళు వారి వారి కులపోళ్ళ/పార్టీల టముకులో మునిగి పాయె.... తీట రేగి ఫ్రీ గా దినపత్రికలను పంచిపెట్టారు(మా వూరిలో వారం రోజులు సాక్షీ ఫ్రీ గా వెశారు వద్దని ఘాట్టిగా చెపితే గానీ మా ఇంట్లో వెయడం మానలేదు) .... ఇహ అసలు విషయానికి వస్తే లోక్సత్త నిజం ... ఆప్ ఒక భ్రమ, మోడీ వోట్లను తప్పు దారి పట్టించి బతికేయాలని ఎర్రల సహాయం తో స్కాముల కాంగిరేసు శృష్టించిన ఒక భ్రమ ..... 10 సంవత్సరాలలో చేసిన స్కాముల ధనాన్ని కాపాడుకోవటానికి ప్రజాస్వామ్య వ్యవ్స్థలో విసిరిన ఒక బిస్కెట్టు....... తినే ప్రాణులు అనుభవించక తప్పదు!!!.

kvsv said...

బీజేపీ (మోడీ పై తన్మయత్వంతో) ఓటమిని డెల్లీ లో జీర్నించుకోలేక ఆప్ పై తీవ్ర విమర్శలు చెస్తున్నట్టు గా అనిపిస్తుంది?అవినీతి తో విసిగి వేసారి డెల్లీ ప్రజలు ఆప్ కి ఓటేశారన్నది స్పష్టమ్...దేశ వ్యాప్తంగా ఆ పార్టీ ఓటింగ్ పై ఏ విధమైన ఎఫెక్ట్ చూప లేదు..పార్టీలు కాదు కలుషితమైంది...మన ప్రజలే పచ్చి అవినీతి మనస్తత్వం కలిగి ఉన్నారు!!...౬౫% పైగా ఉన్న గ్రామీణ ఓటర్లు మందూ,బిర్యానీ ఒక్క రోజు పంచక పోతే మరుసటి రోజు మన పార్టీ అభ్యర్ది మొహం చూడరు..ఎలక్షన్లు ప్రకటించాక ప్రతీ రోజూ ఈ కార్యక్రమం నిరాటంకంగా సాగాల్సిందె... ఆప్ వాళ్ళేం ఊడపొడుస్తారూ అంటూ పచ్చి అవినీతి పార్టీలైన కాంగ్రెస్.బీజేపీ లను వెనకేసుకు రావడమ్ మనమ్ ఒక స్పష్టమైన విధానాన్ని ఎప్పటికీ ఏర్పరుచుకోం అన్నది తేటతెల్లం చేస్తున్నది...అవినీతి,మత తత్త్వాలను దాచి పెట్టే ముసుగు పేరే బీజేపీ ఆలపిస్తున్న ... అభివృద్ది మోడీ!!
ఇక ఆప్ ను ఎంత త్వరగా బ్రష్టు పట్టిస్తె...దాని కధ ముగిసి పోతే మనం హాయిగా ప్రతి రోజూ....మన కాంగీ,బీజేపీల అవినీతి కధలు చదువు చదువుకుంటూ...గాలి,జగన్ వార్తలు, వాళ్ల కోట్లాది రూపాయల కుంభకోణాల పార్శ్వాలు చర్చించుకుంటూ హాయిగా గడిపేయొచ్చు!!కొస మెరుపు ఏమిటంటే ప్రత్న్యా మయం కావాలీ అని గింజుకునేదీ మనమే!!

సుజాత said...

శ్రీనివాస్ గారూ, ఆప్ ది నిజమైన విజయమా కదా అనేది నేను టపాలో చర్చించలేదు. సామాన్యుడిని చేరుకోడం లో ఆప్ ఎలా విజయ వంతమైంది, ఏ పద్ధతులు అనుసరించింది, ఆ విధంగా లోక్ సత్తా ఎందుకు చేరువ కాలేక పోయింది? ఈ రెండు విషయాలే టపాలో ప్రధానాంశాలు!

అసలు ఇంకో ప్రశ్న! అవినీతి రాజకీయాలు నడిచినంత కాలం ప్రత్యామ్నాయం కావాలి అని ఆక్రోశిస్తాం. అదంటూ ఒకటి కనిపించి అడుగు ముందుకేస్తే "వీళ్లు మాత్రం ఏ పొడిచేస్తారో చూద్దాం" అనే ధోరణి కనిపిస్తోంది ఎక్కడ చూసినా! వచ్చిన వాడికి కాస్త టైము ఇచ్చి, వాడేమీ చేయలేక పోతే అప్పుడు కదా విమర్శలకు దిగాలి.

ఐడియల్స్ మాట్లాడ్డానికి జేపీ దాకా ఎందుకండీ,. సోషల్ నెట్ వర్కుల్లో జనాలు చాలరూ?

సుజాత said...

Narasimha garu
లోక్ సత్తా నిజమే అనుకుందాం! నిజం అయి ఏమి చేయగలిగంది? ప్రజలకు ఎక్కడ దగ్గరైంది? ప్రజల్లోకి వెళ్ళడానికి ఒక ప్రణాళిక లేదు, రాజ కీయ పార్టీగా ముందుకు పోవడానికి ఒక వ్యూహమూ లేదు. ఇప్పుడు ఆప్ రాష్ట్రంలో కూడా ప్రవేశించింది కాబట్టి కాస్తో కూస్తో లోక్ సత్తాని అభిమానించే వారు కూడా క్రియా శీలకం కాని పార్టీకి సపోర్ట్ ప్రకటించి మాత్రం ఏం ప్రయోజనం అని ఆప్ వైపే మొగ్గే అవకాశం ఉంది.

ఆప్ కి కాంగ్రెస్ సపోర్ట్ ఎన్నికల తర్వాత ఇచ్చింది. వాళ్ల సపోర్ట్ చూసుకుని ఆల్ప్ ముందెకెళ్తుందని అప్పుడే అనుకోవద్దు మనం!

ఆప్ ఒక భ్రమ అని ఒక నిర్థారణకు రావడానికి ఇంకా టైముంది. అది నిజంగానే భ్రమగా తేలితే వాళ్ళను అప్పుడే విమర్శిద్దాం! చీల్చి చెండాడేద్దాం! చేతిలో పనే కదా!

ఈ లోపు కాస్త టైమిద్దాం వాళ్ళకి! ఏమి చేయగలరో చూద్దాం

సుజాత said...

kvsv గారూ, సరిగా చెప్పారు. ఆప్ వాళ్ళు ఇంకా ఏమీ మొదలు పెట్టకుండానే "వాళ్లేం చేయగలరూ"అని మిగతా రెండు పార్టీలను వెనకేసుకుని రావడం ఇప్పుడు మామూలై పోయింది.స్పష్టమైన విధానాలకు మనం అలవాటు తప్పి పోయినట్టున్నాం!

ప్రత్యామ్నాయం కావాలని గింజుకున్నా,అది ఎలా ఉండాలో తెల్సినా, అది మన ముందుకొచ్చేసరికి స్వాగతించలేం

మనకి ఆ రెండు పార్టీలే కరెక్టేమో! కాళ్ళ కింద పడి ఉండటానికి అలవాటు పడిన వాళ్ళకి

శ్రీనివాస్ said...

/* వచ్చిన వాడికి కాస్త టైము ఇచ్చి, వాడేమీ చేయలేక పోతే అప్పుడు కదా విమర్శలకు దిగాలి. */
నేను ఆప్ కి వ్యతిరేకమేమీ కాదండీ! In fact, నేను లోక్ సత్తా, ఆప్ రెండిటికీ డొనేషన్స్ పంపాను. కాకపోతే లోక్ సత్తా పార్టీ మొదలుపెట్టినప్పుడు వారి మీద కలిగినంత నమ్మకం ఆప్ మీద కలుగలేదు, అంతే! ‘డిల్లీలో గెలిచినంతమాత్రాన ఆప్/AK హీరో, గెలవకపోవటం వల్ల లోక్ సత్తా/JP జీరో అవ్వాల్సిన అవసరం లేదు’ అన్నదే నా భావన. అది నా ముందు వ్యాఖ్యలో సరిగా వెళ్ళలేదేమో!

/* ఐడియల్స్ మాట్లాడ్డానికి జేపీ దాకా ఎందుకండీ,. సోషల్ నెట్ వర్కుల్లో జనాలు చాలరూ? */
:-))))

అన్నిచోట్లా అన్ని రకాల వాళ్ళూ ఉంటారు కదండీ! కాకపోతే జేపీ కేవలం మాట్లాడటమే కాకుండా ‘Walk the talk’ కూడా చేస్తారని (కొంతవరకైనా) నా అభిప్రాయం. మీకు జేపీ మీద పూర్తిగా నమ్మకం పోయినట్టుంది, నేను ఇంకా ఆ స్టేజ్ కి రాలేదు :-)

సుజాత said...

శ్రీనివాస్ గారూ,

నా పై వ్యాఖ్య (KVSVగారిని ఉద్దేశించి రాసింది)లో మిమ్మల్ని ఉద్దేసించి రాసిందేమీ లేదండీ! ఈ మధ్య ఆప్ మీద ఎక్కడ చూసినా "వీళ్ళేమీ చేయలేరు, ఒట్టి ఆర్భాటం తప్ప"అని మాట్లాడ్డం చూస్తున్నాను. నిన్నా మొన్నే కదా వాళ్ళు వచ్చింది. విమర్శించడానికి వాళ్ల పని తీరు చూసి, కొంత టైం ఇద్దాం అని నేను ప్రతి చోటా అభిప్రాయ పడుతున్నాను.

నేను లోక్ సత్తాకి డొనేషన్ కాదు, స్వయంగా 2006 నుంచి 2011 వరకూ పని చేశాను, ఎగ్జిక్యూటివ్ సభ్యురాలిగా! ఇప్పటికీ జేపీ జీరో అనలేను నేను. సామాజిక సంస్థ మైండ్ సెట్ నుంచి రాజకీయ పార్టీ మైండ్ సెట్ లోకి వచ్చి ప్రజల్లోకి ఇప్పటికే వేగంగా చొచ్చుకెళ్లాల్సిన మాట. ఇక ఇపుడున్న పరిస్థితుల్లో ఆ ఆశలేవీ లేవు నాకు.


జేపీ కేవలం మాట్లాడటమే కాకుండా ‘Walk the talk’ కూడా చేస్తారని (కొంతవరకైనా) నా అభిప్రాయం. ______________ఇక్కడే చిక్కు! అక్కడ జేపీ తప్ప అలా చేయడానికి ఇంకెవరూ లేరు లోక్ సత్తాలో! నాకు జేపీ మీద కాదండీ, ఒక రాజకీయ పార్టీగా లోక్ సత్తా మీద పోయింది నమ్మకం! పూర్తిగా!

ఒకవేళ వాళ్ళు సక్సెస్ ఐతే సంతోషించే వాళ్లలో నేనూ ఉంటాను.

మీరు బీజేపీ కీ, కాంగ్రెస్ కి ఫాన్ అయి ఉంటే మీ వ్యాఖ్య రాసే విధానం వేరే గా ఉండేది.I can sense it!

నేను ఉద్దేశించి రాసింది గుడ్డిగా ఆ పార్టీలను ఏదో ఒక వంకతో అభిమానించే వారిని

అర్థం చేసుకుంటారని అనుకుంటున్నాను

థాంక్ యూ

శ్రీనివాస్ said...

Sorry for commenting this in English..

Good to know that you have worked as executive member of Loksatta! :-)

I do hope they will be successful in long term (even though success is a relative term)

I knew that statement was not intended for me! Nevertheless..

Please feel free not to publish this, if you do not want to!

Thank you!!

సుజాత said...

Thank you for understanding Srinivas garu :-)

Post a Comment